قطر تشقی ایشلر وزیرلیگی، اوتگن کیچه ایران تامانیدن اوشبو مملکتده امریکا قرارگاهسیگه اویوشتیریلگن هجوملر گه مناسبت بیلدیریب، دوحهده ایران ایلچیسینی چقیرتیرگن.
بو حقده، ۳-سرطان، سهشنبه قطر تشقی ایشلر وزیرلیگی ایکس صحیفهسیده بیر بیانیه ترقهتیب خبر بیرگن.
بیزلرنینگ فیسبوک صحیفهمیزگه باش اورینگ!
بیانیه اساسیده، ایران تامانیدن «العدید» هوا قرارگاهسیگه اویوشتیریلگن هجوم، قطرنینگ هوا حریمی، ملی حاکمیتی و خلقارا قاعدهلرنی بوزگن، اېندی دوحه خلقارا قاعدهلر اساسیده، جواب قیتیریش حقینی اوزی اوچون محفوظ بیلهدی.
قطر تشقی ایشلر وزیری سلطان بن سعد المریخی، ایران ایلچیسی علی صالحآبادی گه، بو هجوملر یخشی قۉشنیچیلیک و دوستانه مناسبتلر گه سلبی تأثیر قوییشینی بیلدیرگن.
ایران سپاه پاسداران، امریکانینگ ایران هستهای سایتلریگه حربی هجومی گه جواب، قطرده العدید قرارگاهسی قویاش ۱۴۰۴، ۲-سرطان، دوشنبهدن سهشنبه گه اوتر کیچه راکته بیلن نشانگه آلینگنینی اېتگن. بو قرارگاه، منطقهده امریکا حربی کوچلرینینگ اېنگ مهم تورر جایلریدن سنلهدی.
بیزلرنینگ «ایکس» ترماغی ده هم تعقیب قیلینگ!
سپاه پاسداراننینگ رسمی بیانیهسی اساسیده، بو هجوم «بشارت فتح» عملیاتی عنوانیده عملگه آشیریلگن.
شونینگدیک سپاهنینگ بیانیهسیده، منطقهده امریکا قرارگاهلری بوندن کېین ایران اوچون کوچ اېمس ضعیفلیک نقطهسی سنهلیشی دیېلگن.
