ایران، اۉز ایلچیلرینی اوچ اروپا مملکتیدن مصلحت قیلیش اوچون تهران گه چقیریب آلگن.
ایسنا آژانسی، ۵-میزان، شنبه کونی ترقهتگن گزارشیده، بو مملکت جرمنی، فرانسه و بریتانیادهگی ایلچیلرینی مکانیزم ماشهنی فعاللشتیریش یولیدهگی مسئولیتسیز حرکتلری سببلی، چقیریب آلگنینی معلوم قیلدی.
جرمنی، فرانسه و بریتانیا ایراننی برجام کېلیشووینی بوزیشده عیبلب، اوشبو مملکت گه قرشی بیرلشگن ملتلر تشکیلاتی خوفسیزلیک کینگشینینگ بیکار قیلینگن قطعنامهلرینی قیته تیکلش اوچون برجام نزاعلرنی حل ایتیش میکانیزمیدن فایدهلندیلر.
اوتگن کون روسیه و چین ایران گه قرشی خلقارا تحریملرنی کېچیکتیریش بوییچه قطعنامه تقدیم اېتدی؛ بیراق بو قطعنامه بیرلشگن ملتلر تشکیلاتی خوفسیزلیک کینگشی تامانیدن ۹ ته قرشی، ۴ ته طرفدار و ۲ ته بیطرف آواز بیلن رد اېتیلدی.
بیرلشگن ملتلر تشکیلاتینینگ ایران گه قرشی تحریملری یکشنبه کونیدن باشلب عملگه آشیریلیشی کوتیلهدی.
