ایران رسمیلری، اوشبو مملکتدن افغانستانلیک ناقانونی قاچقینلرنینگ چیقریلیش ایکینچی باسقیچینی، جاری هفته باشلشینی معلوم قیلگن.
ایسنا آژانسینینگ گزارش بیریشیچه، مذکور مملکت پایتختی تهران حاکمی محمدصادق معتمدیان، بو موضوعنی اوتگن کون اوشبو شهرنینگ تعلیموتربیه کینگشی ییغیلیشیده بیان قیلیب، هیچ بیر مملکتده ناقانونی قاچقینلر حضوری قبول بولهدیگن بیر نرسه ایمس دیگن. «تهران ده چیقریلگن اهالی سانی ۴۵۰ مینگ کیشی دیر؛ هیچ بیر مملکت اوز اولکهسیده ناقانونی شکلده حیات کیچیرهدیگن کیشیلر حضورینی قبول قیلمهیدی.»
معتمدیانگه کوره، ایران دن افغانستانلیک ناقانونی قاچقینلر چیقریلیشی بیلن بو مملکتده اوچ مینگدن آرتیق درسی صنف بوش قالیب و شونینگدیک اوی اجارهسی هم قریب ۳۵ فایز کمهیگن.
ایران رسمیلرینینگ معلوماتی اساسیده، جاری ییل باشلنگنیدن حاضرگچه بیر میلیون ۴۰۰ مینگ افغانستانلیک بو مملکتدن چیقریلگن.
