ایراننینگ همکارلیک، ایش و اجتماعی آسایشتهلیک وزیرلیگی، افغانستان یشاوچیلریگه ایش ویزهسی بیریلیش جریانی باشلنگنینی معلوم قیلگن.
ایران ایش وزیرلیگینینگ تدبیرکارلیک و ایش زمینهسی یرهتیلیشینی رواجلنتیریش بوییچه اورینباسری سیدمالک حسینیگه کوره، بو ویزه مذکور مملکتنینگ ایچکی ایشلر وزیرلیگی و تشقی ایشلر وزیرلیگی همکارلیگی بیلن بیریلهدی.
حسینیگه کوره، ویزا بیریلیش جریانی بیرینچی میزاندن باشلهنیب و ایرانلیک ایش بیرووچیلر افغانستانلیک ایشلاوچیلرنی ایشگه آلیش اوچون اوز ایستهکلرینی ثبت قیله آلهدیلر.
اونینگ کوپهیتیریشیچه، افغانستان یشاوچیلریگه ایش وزیرهسی، بیرینچی باسقیچده توقیز آیلیک بیریلیب و اونینگ مدتی اوزهیتیریلیشی ایشچینینگ ایشی و ایش بیرووچی نیازیگه تیگیشلی بولهدی.
ایران ایش وزیرلیگینینگ تدبیرکارلیک و ایش زمینهسی یرهتیلیشینی رواجلنتیریش بوییچه اورینباسرینینگ کوپهیتیریشیچه: «باش ییلده ۲۰۰ مینگ ایش ویزهسینی بیریش اوچون تشقی ایشلر وزیرلیگی بیلن دستلبکی کیلیشوو، ایستهک سانی اساسیده عملگه آشیریلگن.»
حسینیگه کوره، بو ریجهنینگ عملگه آشیریلیشیدن مقصد، ایران گه افغانستان یشاوچیلرینینگ باریشینی درست قیلیش و اولرنینگ ناقانونی باریشی آلدی آلینیشی دیر.
ایران، ییللردن بیری افغانستانلیک قاچقینلرنینگ اصلی میزبانلریدن بیری دیر. اوشبو مملکت سونگی ییللر اینیقسه جاری ییلده، ناقانونی قاچقینلرنی چیقریش جریانینی کوچهیتیرگن. بو جریان باشلنگنیدن کیین، ایران ییتکرمهلری انشاآت و شهری خذمتلر بولیمیده ایش کوچی کملیگیدن خبر بیرگنلر.
