ایران اردوسینینگ اعلام قیلیشیچه، اوشبو مملکت جنوبیدهگی منطقهلرگه امریکانینگ کیتمه-کیت هجوملریگه جواب اولهراق، کویت و بحرین ده امریکانینگ حربی پایگاهلریگه قرشی پهپادی هجوم اویوشتیرگن.
الجزیره خبری ترماغینینگ بوگون (۲۱-سرطان/۱۲-جولای، یکشنبه)، ایران اردوسیدن نقل قیلیب گزارش بیریشیچه، اوشبو عملیاتده کویت ده امریکا اردوسیگه تیگیشلی رادار بیر سایت، پاتریوت هوا مدافعه تیزیملریدن بیری و قورال-یراغ انبارینی نشانگه آلیش اوچون پارتلاوچی پهپادلردن فایدهلنیلگن.
ایران اردوسیگه کوره، مذکور هجوملرنینگ باشقه باسقیچیده بحرین ده امریکانینگ رادار بیر سایتی همده علاقه تیزیمی نشانگه آلینگن.
ایران رسمیلرینینگ ایتیشلریچه، اوشبو عملیات ایران جنوبیدهگی منطقهلرگه امریکانینگ کیتمه-کیت اویوشتیرگن هجوملریگه جواب، عملگه آشیریلگن.
سونگی کونلرده ایران و امریکا آرهسیدهگی کیسکینلیکلر، ینه بیر مرته کوپهیب و ایکی تامان بیر-بیرینینگ پایگاهلرینی نشانگه آلماقده.
