میدیالرده تاپی پروژهسی ایشیگه دایر گزارش‌لر ترقه‌لیشیدن کیین، اسلام امیرلیگی اوشبو پروژه عملگه آشیریلیشی اوچون مخصوص خوفسیزلیک کوچ تعینلش گه تیارگرلیک کورستگن. اسلام امیرلیگی اقتصادی اورین باسرلیگی نینگ دفتری، تاپی منطقه اقتصادی اوچون مهم پروژه دیر امنیت تأمین ایتیلیشی بیلن عملگه آشیریلیش زمینه‌سی یره‌تیلگن.
عین‌حالده اقتصاد وزیرلیگی سوزلاوچیسی عبدالرحمان حبیب گه کوره، تاپی پروژهسی افغانستان توپراغیدن ۸۱۶ کیلومتر اوته‌دی، اولکه یشاوچیلری گه ایش فرصت‌لری یره‌تیلیب و ملی درآمدی بولیشی ممکن.
بیزلرنینگ فیسبوک صحیفه‌میزگه باش اورینگ!
اونینگ سلام‌وطندار گه ایتیشیچه: «اوشبو پروژه افغانستان توپراغیدن ۸۱۶ کیلومتر اوته‌دی. اوشبو پروژه عملگه آشیریلیب و فایده‌لنیشگه تاپشیریلسه، مینگلرچه اولکه یشاوچیلری ایش بیلن تأمینلنه‌دی. هر ییلی قریب ۴۰۰ و ۵۰۰ میلیون دالر ملی درآمدی بولیشی ممکن.»
عین‌حالده، ملی امنیت و استراتیژیک مطالعه‌لر تدقیقاتچیسی شمشاد عزیز کاظمی گه کوره، تاپی پروژهسی تطبیق ایتیلیشی گه زمینه یره‌تیلگن و مذکور پروژه منطقه اوچون مهم دیر.
اونینگ ایتیشیچه: «افغانستان ده اسلام امیرلیگی ایکینچی مراتبه قدرت نی آلیشیدن کیین، منطقه مملکتلر تاپی پروژهسی خوفسیزلیگی اسلام امیرلیگی تامانیدن تأمین ایتیلیشی گه ایشانه‌دیلر. اوشبو پروژه هندوستان، پاکستان و افغانستان ارا کیسکین‌لیکلر گه چیک قوییشی ممکن.»
باشقه تاماندن، اقتصادی ایش بیلرمان تاج‌محمد تلاش مذکور پروژه تطبیق ایتیلیش زمینه‌سی یره‌تیلیشی گه اشاره قیلیب، تاپی پروژهسی عملگه آشیریلیشی بیلن افغانستان پاکستان گه قرشی باسیم واسطه‌سیگه ایگه بولیشی ممکن دیدی.
بیزلرنینگ توییترده هم تعقیب قیلینگ!
تاج‌محمد نینگ کوپه‌یتیریشیچه: «امنیت تأمین ایتیلیشی، مالی فساد یوق‌لیگی و بروکراتیک سیستمی گه چیک قوییش بیلن مذکور پروژه نینگ عملگه آشیریش زمینه‌سی یره‌تیلگن دیب اویله‌ی من؛ افغانستان نینگ سوداگرلیک بلانسی گه بناً پاکستان گه باغلیق‌لیکنی کورسته‌دی و بو پروژه تطبیق ایتیلیشی بیلن افغانستان پاکستان گه قرشی باسیم واسطه‌سیگه ایگه بوله‌دی.»
شو بیلن بیرگه، خلق‌ارا مناسبت‌لر استادی محمدحسن فقیری گه کوره، تاپی پروژهسی تطبیق ایتیلگن تقدیرده، افغانستان نینگ اقتصادی وضعیتی اوزگریشی ممکن.
اونینگ ایتیشیچه: «تاپی پروژهسی جمهوریت دن اول و ۱۹۹۰ میلادی ییل اول‌لری و اورته آسیا مملکتلر مستقل بولیشی بیلن مطرح بولگن. تاپی پروژهسی افغانستان خلقی اوچون مهم دیر. بو پروژه تطبیق ایتیلگن تقدیرده، طبیعی که افغانستان نینگ اقتصادی اوستیگه ایجابی تأثیر قیله‌دی.»
ایتیش کیره‌ک که، بوندن آلدین تاپی پروژهسی منطقه بویلب بویوک پروژه اوله‌راق خوفسیزلیک تهدیدلر باعث ایشی توخته‌تیلگن ایدی؛ بیراق ینگی‌لیکده مذکور پروژه گه دخیل اولکه‌لر، ایشی باشله‌نیشیگه علاقه کورستگنلر.
