هرات نینگ زنده‌جان تومنی‌ده اولیم‌لی زلزله‌دن بیر کون اوتگنی‌دن کیین، اقتصاد وزیرلیگی بوگون (یکشنبه، ۱۶-میزان)، مذکور زلزله‌ده زیان کورگنلر گه یاردم بیریش اوچون ایچکی و خارجی یاردم‌لر نی توپلش مقصد، مصلحتی بیر ییغین یولگه قوییگن. مذکور وزیرلیک سرپرستی دین‌محمد حنیف، اوشبو ییغین‌ده ایچکی و خارجی مؤسسه‌لر نماینده‌لریدن، هرات ده زلزله عاقبتیده زیان کورگنلر گه یاردم بیریش اوچون اقدام قیلیشلری نی ایسته‌گن.
اقتصاد وزیرلیگی سرپرستی گه کوره، ایچکی و خارجی نهاد‌لر هرات ده زلزله عاقبتیده زیان کورگنلر گه یاردم بیریش نی بیرینچی اورین گه قوییش‌لری کیره‌ک. دین‌محمد حنیف نینگ کوپه‌یتیریشیچه: «هرات نینگ قیغولی اهالی‌سی گه اسلام امیرلیگی و اقتصاد وزیرلیگی و اوشبو مجلس‌ده حاضر بولگن ایچکی و خارجی مؤسسه‌لر نماینده‌لری، اولر نینگ قیغوداش‌لیگی قیلیش و اولر نینگ یانیده توخته‌شی خصوصیده ایشانچ بیره‌میز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوشبو ییغین‌ده حضوری بولگن خارجی نهاد‌لر نماینده‌لری، هرات ده زلزله عاقبتیده زیان کورگنلر گه یاردم یوباریلیشی اوچون تیارگرلیک بیلدیریب و زیان کورگنلر گه یاردم بیریش اوچون سعی و حرکت قیلیشلری خصوصیده ایشانچ بیرگنلر.
مذکور ییغین‌ده بیرلشگن ملت‌لر تشکیلاتی نینگ عاجل یاردم‌لر بولیمی نماینده‌سی بانو حنا نینگ ایتیشیچه: «بیز کوچلی بیر جماعه‌میز و اوچا و باشقه تشکیلات‌لر هماهنگ‌لیگیده ایلگری کیته‌میز، بیز آذیق_آوقت، دستلبکی یاردم‌لر و شوکبی باشقه یاردم‌لرنی ترقه‌تیش بیلن هرات‌گه زیان کورگن‌لرگه ییتیشیش‌گه اولگوره‌میز.»
اوچا یا-ده افغانستان ده بیرلشگن ملت‌لر تشکیلاتی نینگ انسان‌پرورلیک یاردم‌لر هماهنگ قیلووچی دفتری نماینده‌سی گینیت راجز نینگ ایتیشیچه: «بیز اوتکن کیچه زلزله‌دن زیان کورگن‌لرگه یاردم ترقه‌تیش اوچون تیارگرلیک کوردیک و زیان کورگن‌لرگه یاردم ترقه‌تیش‌گه اولگورماقده‌میز، بیز باشقه تشکیلات‌لر هماهنگ‌لیگیده شاشیلینچ یاردم‌لرنی ترقه‌تیش اوچون سعی‌وحرکت قیله‌میز»
باشقه بیر تامان‌دن، ایچکی نهاد‌لردن قطاری هم اوتگن کون هرات ده یوز بیرگن زلزله عاقبتیده زیان کورگن کیشی‌لر گه یاردم بیریش اوچون سعی و حرکت قیلیشلری خصوصیده سوز بیرگنلر.
عبدالبشیر سخی‌زاده، سرطبیب شفاخانه‌ی فرانسوی‌ها در کابل، می‌گوید که این شفاخانه آمده است بیمارانی را که به مراقبت‌های عاجل نیاز دارند، درمان کند.
کابل ده فرانسوی‌لر کسل‌خانه باش‌داکتری عبدالبشیر سخی‌زاده نینگ ایتیشیچه، مذکور کسل‌خانه عاجل و کوپراق یاردم گه نیازی بولگن کسل‌لر نی درمان‌لش خصوصیده تیار دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «هرات درمان بولیشی ممکن بولمه‌گن کسل‌لر نینگ درمان قیلیش اوچون برچه تیارگرلیگی‌میز بار. عاجل خذمت‌لر بولیمی‌ده ایشله‌یدیگن مؤسسه‌لردن، پیشرفته درمان و جراحی گه نیازی بولگن کسل‌لری گه، خذمت قیلیش گه تیارلر.»
شونینگدیک مذکور ییغین‌ده، یاردم توپلش و ایچکی و خارجی یاردم بیرووچی نهاد‌لر آره‌سیده هماهنگ‌لیک خصوصیده بیر کمیته ایجاد قیلیش گه قرار آلینگن.
حادثه‌لر گه ییتیشیش بوییچه دولت وزیرلیگی آرقه‌لی اوتگن کون هرات ده یوز بیرگن کوچلی زلزله عاقبتیده اولیب و یره‌لنگنلر رقمی ۲۰۵۳ کیشی ارائه بولگنی بیرحالده، زلزله عاقبتیده زیان کورگنلر گه یاردم بیریش اوچون سعی و حرکت بولماقده. بولرگه علاوه، مذکور زلزله عاقبتیده ۱۳۲۹ یشش اوی مکمل شکلده تخریب بولگن.
