اسلام امیرلیگی اقتصاد وزیرلیگی سرپرستی دین‌محمد حنیف، بیرلشگن ملتلر تشکیلاتی‌دن، جاری میلادی ییل‌ده افغانستان ده ترقیاتی لایحهلرنینگ عمل‌گه آشیریلیشی توغریسیده کوپراق توجه قره‌تیشینی ایسته‌گن.
اقتصاد وزیرلیگی سوزلاوچیسی عبدالرحمان حبیب‌نینگ ایتیشیچه، اوشبو وزیرلیک سرپرستی مذکور موضوع‌نی افغانستان ده بیرلشگن ملتلر تشکیلاتی‌نینگ اورین‌باسرلیک هیئت دفتری (یوناما) باشلیغی روزا اوتونبایوا بیلن اوچره‌شگنی‌ده بیان قیلیب و ترقیاتی لایحهلرنینگ عمل‌گه آشیریلیشی افغانستان ده ایش‌سیزلیک و قشاق‌لیک سطحی کمه‌یشی‌گه سبب بوله‌دی دیگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «مذکور اوچره‌شووده اقتصادی نیازمند‌لیک‌لر گه قره‌ب انسان‌پرورلیک یاردملرنینگ انیق و فایده‌لی شکلده عمل‌گه آشیریلیشی و ترقیاتی اولویت‌لر توغریسیده صحبت بولدی؛ اقتصاد وزیرلیگی سرپرستی، تشکیلات‌لرنینگ جاری میلادی ییل‌ده افغانستان ده ترقیاتی لایحه‌لر عمل‌گه آشیریلیشی توغریسیده فعالیت‌لری‌‌گه کوپراق توجه قره‌تیشلری‌گه تاکید قیلدی.»
بو بیلن بیرگه، بیرلشگن ملتلر تشکیلاتی ینگی‌لیکده افغانستان اقتصادی یاردم‌لریده هماهنگ‌لیک اوچون اقتصادی ایشچی گروهی‌نی ایجاد قیلگن.
اقتصاد وزیرلیگی اوتگن اوچ ییل‌ده بیرلشگن ملتلر تشکیلاتی‌دن نیچه مرته ترقیاتی لایحه‌لر عمل‌گه آشیریلیشی توغریسیده توجه قیلیشینی ایسته‌گنی بیلن؛ بیراق خلق‌ارا همجمعیت کوپراق افغانستان اهالی‌سیگه انسان‌پرورلیک یاردملرنینگ یوباریلیشی گه توجه قره‌تگن.
اقتصادی مسئله‌لر بیلرمانلریدن قطاری‌نینگ ایتیشلریچه، اقتصادی قیین‌چیلیکلرنینگ اساسی شکلده حلی اوچون افغانستان‌نینگ آست‌قورمه‌لری توغریسیده سرمایه یاتقیزیلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
اقتصادی مسئله‌لر بیلرمانلریدن ایرج فقیری‌نینگ ایتیشیچه: «آست‌قورمه‌لر توغریسیده توجه قره‌‌تیلیشی و سرمایه یاتقیزیلیشی، زمان اوتیشی بیلن اقتصادی توزوم‌ده فایده‌سینی کورستیب و ایچکی سرمایه یاتقیزووچیلر اوچون اجتماعی آسایشته‌لیک، ایش‌زمینه‌سی یره‌تیلیشی و یخشی بیر موقعیت‌گه سبب بولگن.»
اسلام امیرلیگی قدرت گه ایریشگنی‌دن کیین، نیچه ترقیاتی لایحه ایشینی باشله‌ب و مذکور لایحهلرنینگ عمل‌گه آشیریلیشی بیلن افغانستان ده قشاق‌لیک میزانی‌نینگ بیرازگچه کمه‌یگنی نی اعلام قیلگن.
