اسلام امیر‌لیگی رسمی‌لری دایم افغانستان ده سرمایه یاتقیزوچیلر گه برچه امکانیت یره‌تیلگنی گه تاکید قیلیب و اولر نی مملکت گه قیتیش‌لری نی ایسته‌گنلری بیرحالده، بیراق سرمایه یاتقیزوچیلر افغانستان ده سرمایه یاتقیزیش وضعیتی‌دن تنقید‌لب ایتیشلریچه، تشقی مملکت‌لردن سرمایه یاتقیزوچیلر نینگ مملکت گه چقیریلیشی‌دن آلدین، اولر گه ایش زمینهسی یره‌تیلیشی کیره‌ک.
تازه میوه بولیمی‌ده سرمایه یاتقیزوچی و سوداگرلردن بیری ممتاز یوسفزی نینگ ایتیشیچه، سونگی اوزگریشلردن کیین، سرمایه یاتقیزوچیلر اوچون ویزه آلیش، پاسپورت تمدید قیلیش، خام ماده‌لر گه قول تاپیش، بازار تاپیش و بانکی قیینچیلیکلر کوپه‌یگن.
بیزلرنینگ فیسبوک صحیفه‌میزگه باش اورینگ!
یوسفزی نینگ کوپه‌یتیریشیچه: «سونگی ایکی ییل‌ده اوزگریشلردن کیین، بازارلر یره‌تیلمه‌گن، ویزه و پاسپورت نینگ تمدید بولیشی بولیمی‌ده قیینچیلیکلر بار. سوداگرلر تشقی گه تولیدی نرسه‌لری نی انتقال بیره آلمه‌یدیلر. افغانستان ایچیده بولگن کیشی حمایت قیله آلمه‌یدی. بیرینچی‌ده بیزلر گه زمینه یره‌تیلیشی کیره‌ک.»
قالین ایشلب چیقریش بولیمی سرمایه یاتقیزووچیلردن باشقه بیری احسان‌الله عالمی نینگ ایتیشیچه، مملکت‌ده سونگی اوزگریشلر و جاری قیین‌چیلیک‌لردن کیین، محصول‌لری نی منطقه مملکت‌لر و دنیا گه مستقیم شکلده صادر قیله آلمه‌یدی. «ایپ و جون نی سوداگرلر خارج گه صادر قیله‌دیلر و باشقه مملکت‌لردن وارد قیلیش گه مجبور‌میز. گمرکی محصول کوپ دیر، مارکیت یا-ده بازار‌ده دست دو و سه گه قالین نی ساتیش گه مجبور‌میز و مستقیم شکلده ساتیش و اولر گه یوباره آلمه‌یمیز.»
شونده‌ی بیرحالده، سوداگرلر نینگ تاکید قیلیش‌لریچه، مملکت گه سوداگرلر نینگ دعوت بولیشی‌دن آلدین، بیرینچی‌ده شرط‌لر نینگ اولر گه درست بیر شکلده یره‌تیلیشی کیره‌ک.
شونینگدیک اقتصادی ایش بیلرمان‌لر نینگ ایتیشلریچه، سیاسی، اقتصادی و بانکی ثبات‌سیزلیک، افغانستان ده سرمایه یاتقیزیش خصوصیده ایسته‌ک‌سیزلیکلری نی کوپه‌یتیرگن و اوشبو قیینچیلیکلر نینگ اساسی شکلده حل بولیشی کیره‌ک.
بو توغریده اقتصادی ایش بیلرمان عبدالنصیر وفی نینگ ایتیشیچه: «بانکی و پولی سکتور کبی اقتصادی بولیم‌ده هم قیینچیلیکلر بار. پروسه نینگ دیجیتالی بولیشی کیره‌ک. سیاسی وضعیت ثابت ایمس.»
شونده‌ی بیرحالده، سوداگرلیک و صناعت وزیرلیگی سوزلاوچیسی آخوندزاده عبدالسلام جواد نینگ ایتیشیچه، افغانستان ده سرمایه یاتقیزیش اوچون برچه آسایشته‌لیک‌لر و زمینه یره‌تیلیب و شونینگدیک قیینچیلیکلر هم حل بولگن.
بیزلرنینگ توییترده هم تعقیب قیلینگ!
جناب عبدالسلام جواد نینگ کوپه‌یتیریشیچه: «سرمایه یاتقیزووچیلر نینگ امنیتی برقرار دیرو افغانستان نینگ هر بیر ییری‌ده سرمایه یاتقیزیشلری ممکن. باشقه بیر تامان‌دن، خام ماده وارد قیلیش ایسته‌گنلری صورت‌ده، اولر گه آسایشته‌لیک ایجاد قیلدیک. بازار ایجاد قیلیش اوچون برچه ملی و ایچکی اداره‌لر گه امر بولگن که،َ ایچکی تولید‌لردن قوللنسین‌لر.»
ایتیش کیره‌ک که، بوندن آلدین اسلام امیر‌لیگی رسمی‌لری دایم سرمایه یاتقیزیلیش امکانیت‌لریدن برچه‌سی نینگ تامین‌لیگی خصوصیده تاکید قیلگنلری بیرحالده، ینگی بیر مورد‌ده اوتگن کون اسلام امیر‌لیگی رهبری هبدت‌الله آخندزاده، امام ابوحنیفه کورگزمه‌سیده سیسلی بیر پیام آرقه‌لی سرمایه یاتقیزووچیلردن، مملکت گه قیته کیلیب و سرمایه یاتقیزیشلری نی ایسته‌گن.