خلق‌ارا معلومات گه قول تاپیش کونی مناسبتی بیلن یېتکرمهلر مسئوللری و خبرچیلردن بیرقطاری، سرپرست حکومت دن یېتکرمهلر قانونی نهایی بولیشینی اېسته‌گنلر.
اولر اوشبو مناسبت بیلن خبرچیلر مصئونیت کمیته‌سیده یولگه قوییلگن احتفالده، کونسه‌یین معلومات گه قول تاپیش چېکله‌نیشیدن خواطر بیلدیریب و یېتکرمهلر قانونی یوق‌لیگی طفیلی، حکومت مسئوللری و خبرچیلر اویغون‌سیزلیک قیینچیلیگی بیلن روپه‌ره لیکلرینی اېته‌دیلر.
کابل شهریده ایکّی تلویزیون مسئوللریدن مجیب‌الله بهیر و ذبیح‌الله سادات، سرپرست حکومت دن تیزلیک بیلن یېتکرمهلر قانونینی نهایی قیلیشینی اېسته‌یدیلر.
بیزلرنینگ فیسبوک صحیفه‌میزگه باش اورینگ!
مجیب‌الله بهیر نینگ کوپه‌یتیریشیچه: «خبرچیلر و مسئوللر نینگ ایشی انیقلنیشی اوچون معلومات گه قول تاپیش قانونی نهایی بولیشی کېره‌ک، ایشانچ‌سیزلیکّه چېک قوییلیشی درکار؛ مسئوللردن خبرچیلر نینگ قیینچیلیک‌لرینی حل اېتیش‌لرینی اېسته‌یمیز.»
شونینگدیک، ذبیح‌الله سادات گه کوره: «معلومات گه قول تاپیش قیین بولسه ناتوغری معلومات بیریله‌دی، مسئوللردن معلومات گه قول تاپیش اوچون همکارلیک قیلیش‌لرینی اېسته‌یمیز.»
کابلده‌گی تلویزیون‌لردن بیری نینگ خبرچیسی علی‌اکبر احمدی، بیرقطار اداره‌لر نینگ مسئوللری معلومات‌لرنی خبرچیلر بیلن شریک قیلمسلیک‌لریدن نالیب، بو معما حل اېتیلیشی اوستیگه تأکید اېته‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «معلومات‌لر اساسی شکلده بیز بیلن شریک قیلینمه‌یدی، کوپینچه سۉزلاوچیلر معلومات نی خبرچیلر بیلن شریک قیلمه‌یدی، حکومت شعار بیرمه‌سین بلکه عمل قیلسین.»
معلومات و مدنیت وزیرلیگی نینگ معلومات گه قول تاپیش مسئولی رحمت‌الله نریوال، اطلاعات گه قول تاپیش چېکلاولرینی تصدیقلب ایتیشیچه، بو وزیرلیک افغانستانده خبرچیلر نینگ قیینچیلیک‌لرینی حل قیلیش اوچون سعی-حرکت قیلماقده.
اونگه کوره: «معلومات گه قول تاپیش خبرچیلر نینگ حقی دیر، حاضرگه قدر قیینچیلیک بار بیراق اسلام امیرلیگی و معلومات و مدنیت وزیرلیگی بو قیینچیلیک نی درک قیله‌دی، خبرچیلر گه بو قیینچیلیک حل اېتیلیشی اوچون ایشانچ بیره‌میز.»
۲۰۱۹-ییلده بیرلشگن ملتلر تشکیلاتی نینگ ۷۴-عمومی ییغیلیشیده ۲۸-سپتمبر، خلق‌ارا معلومات گه قول تاپیش کونی اوله‌راق اته‌لگن.
