بنگیوار مادهلر معتاد کیشیگه تیز بیر شکلده آراملیک بیریشی سبب، عیاللر و ایرککلردن کوپ قطارینی اوزی تامان تارتگن که، حیاتنی بیر وقتگچه آرام سقلهب و کیین ایسه قرانغو تامان آلیب بارگن.
غزنی یشاوچیسی بولمیش ۴۵ یاشر حیدرعلی، عمریدن ۲۱ ییلنی بنگیوار مادهلردن فایدهلنش بیلن اوتکزگن. اونینگ ایتیشیچه، اوچته ایچکی و بیرته خارجی تیلنی بیلگنی بیرحالده، بیراق بنگیوار مادهلرنینگ استعمال قیلیش دمیگه توشیشی سبب، بو امکانیتلریدن هیچ قندهی فایدهلنه آلمهگن. «پاکستان ده بنگیوار ماده گه چلیندیم. قریب ۲۱ ییلدن بیری معتادمین. معتادلیک ناس چکیش بیلن باشلندی، کیین سگرت، چرس و بو رقم تریاک، پودر و حتا شیشه گه ییتیشدی. فارسی، اوزبیکی، پشتو و اردو تیللرینی بیلهمن.»
ییللر بنگیوار مادهلردن فایدهلنیب و حاضر اونینگ ترک قیلیش دورهسیده قرار تاپگن غزنی یشاوچیلریدن باشقه بیری موسانینگ ایتیشیچه، ایران ده ایشبیرووچیسی آرقهلی تشویق بولگنی و تریاکدن فایدهلنیش توغریسیده اوزینینگ قیزیققنی سبب، بنگیوار مادهلر دمیگه توشگن.
بیزلرنینگ فیسبوک صحیفهمیزگه باش اورینگ!
موسانینگ کوپهیتیریشیچه، تریاکدن فایدهلنیشینینگ باش کونلریده، اوزینی جودهیم یخشی حس قیلیب و تیریسی آستیده آراملیکنی حس قیلهر ایکن، لیکن اونینگ فایدهلنیشگه عادت قیلیش باعث، حیاتی رنگی اوزگریب و برچه نرسه اوتمیش کبی اونینگ اوچون قیزیق کوریلمس ایکن.
ینگیلیکده ایران دن قیتگن موسانینگ ایتیشیچه: «اونی معتاد بولگنینی بیلهر ایدیم. بیر نیچه مدت اوتگنیدن کیین مینی یانیمگه کیلیب و بو سینگه دیدی. مین هم خورسند بولدیم که قنچه یخشی بیر کیشی دیب. مین هم باریب چکهر ایدیم. حاضر فرزندلریم ایران گه قالگن و مین چیقریلدیم. پاسپورتیمنی هم باطل قیلدیلر.»
غزنی ده بنگیوار مادهلردن فایدهلنهدیگن ایرککلر آرهسیده، قشاقلیک و یامان دوست اوچون ایمس، بلکیم امیدسیزلیک سبب بنگیوار مادهلردن فایدهلنیش دمیگه توشگن کیشیلر هم بار.
شریف بو کیشیلردن بیری دیر. او، ۱۱ ییلنی قاچقینلر اوچون مخصوص کمپده اوتکزگن، بیراق مهاجرت توغریسیدهگی ایستهگی رد بولگنی بیلن افغانستان گه قیتریلگن که اوشبو موضوع، اونینگ بنگیوار مادهلردن فایدهلنیشیگه سبب بولگن. «افغانستان گه قیتریلدیم. روحی قیینچیلیکلر و امیدسیزلیک سبب معتاد بولدیم، لیکن بنگیوار مادهلرنی ترک قیلیش یا-ده حد اقل کمهیتیریش اوچون نیچه مرته تلاش هم قیلدیم.»
شونینگدیک غزنی ده ییگیتلر آرهسیده بنگیوار مادهلردن فایدهلنیش سبب، اولر عایلهلری زمهسیگه بولگن حیات یوکینینگ بیر بولیمینی یینگیللشتیره آلمسلیکلری یانیده، اوزلری عایله اعضالریگه یوک بولیب و عایله اعضالرینینگ بویینلرینی خم قیلهدیلر.
غزنی مرکزیده بیش ییلدن بویان بنگیوار مادهلرگه چلینگن ایکی ایناغه، متین و سلیمنینگ ایتیشلریچه، نیازلری بولگن مادهلرنی تامینلش اوچون شهردهگی چیقیندی و پلاستیکنی توپلهب و بعضا ایسه، اوی وسیلهلرینی ساتیشگه مجبور بولهدیلر.
بیزلرنینگ «ایکس» ترماغی ده هم تعقیب قیلینگ!
متیننینگ کوپهیتیریشیچه: «بنگیوار ماده گه چیلینیش نیتیمیز یوق ایدی. او وقتلر ایشیمیز بار ایدی. ایشسیز بولگنیمده، اوشبو معتاد بولگن ایناغم بیلن بیرگه اوخلهر ایدیک. بیر کیچه بیر توی گه باردیک و او هم کیل بوندن فایدهلن ایدی. اوشه پیتدن کیین بنگیوار ماده گه چلیندیم.»
سلیمگه کوره: «بنگیوار ماده گه چلینگنیمیزدن بیری همه دار و نداریمیزنی قولدن بیردیک. هر قنچه پول تاپسهک، قیته ماده آلیشگه صرفلهیمیز. اویگه هیچ نرسه یوق و بیر نرسه آلیب باریش اورنیده، اویدهگی نرسهلرنی آلیب کیتهمیز.»
افغانستان جمعیتیدهگی موجود قیینچیلیکلر و بنگیوار مادهلرنینگ قولی بیر شکلده قولگه کیلیشی سبب، ییللردن بویان اجتماعی قیینچیلیککه اوزگرگن که، ایرککلر و عیاللردن کوپ قطارینینگ آرام بیر دنیادن اوزاقلشتیریب، امیدسیزلیک و قدرسیزلیک گردابی تامان آلیب بارگن.
