خلق‌ارا انسان حقلری کونی مناسبتی بیلن، بیرلشگن ملت‌لر تشکیلاتی نینگ انسان حقلری عالی کمیشنری، افغانستان سپورت کلوب‌لریده قصاص و دُره اوریلیشگه واکنش کورسه‌تیب، اسلام امیرلیگیدن قصاص حکمی تطبیق ایتیلیشی توخته‌تیشنی طلب قیلگن.
اسلام امیرلیگی سوزلاوچیسی نینگ اورین باسرلریدن بلال کریمی اوشبو سوزلرگه مناسبت بیلدیریب ایتیشیچه، قصاص و حدود تطبیق ایتیلیشی الهی حکم دیر و دنیا همجمعیتدن، اسلام قاعده‌لری و افغانستان خلقی نینگ فرهنگینی حقارت قیلمسلیگینی سوره‌گن.
بیزلرنینگ فیسبوک صحیفه‌میزگه باش اورینگ!
او نینگ سلام‌وطندار گه ایتیشیچه: «اسلام تیزیمیده، برچه نینگ حقوقی تأمین و محفوظ دیر و خلق‌ارا نهادلر و مملکت‌لردن، افغانستان باره‌سیده فکر و توشینچه‌لرینی اوزگرتیریب و یخشی فکر_ملاحظه بیلدیریش‌لرینی ایسته‌‌یمیز.»
عین‌حالده، افغانستان نینگ منحل بولگن انسان حقلری کمیسیون باشلیغی شهرزاد اکبر گه کوره، افغانستانده انسان حقلری شرایطی آغیر و اسلام امیرلیگی، جمعیت نینگ اساسی قیینچیلیکلری حلی اوچون سعی و حرکت قیلیش اورنیده، انسان حقلرینی پایمال ایتیش مقصدیده تلاش قیلماقده.
شهرزاد اکبر نینگ کوپه‌یتیریشیچه: «تأسف بیلن افغانستان ده شرایط آغیر و دنیا اولکه‌لری یشاوچیلری گه قولی‌لیک یره‌تیش آرتیده دیر، لیکن اسلام امیرلیگی انسانی کرامت گه حرمت‌سیزلیک قیلماقده.»
سیاسی ایش بیلرمان طارق فرهادی گه کوره، انسان حقلری اعلامیه‌سی الهی دین‌لردن الهام‌لنگن، بیراق اوشبو اعلامیه‌نی تطبیق قیلووچی تشکیلات، اولکه‌لر برابریده ایکی تور یانده‌شماقده دیر.
بیزلرنینگ توییترده هم تعقیب قیلینگ!
اونینگ ایتیشیچه: «انسان حقلری اعلامیه‌سی ۷۴ ییل آلدین یازیلگن، الهی دین‌لردن الهام‌لنگن. اوشبو اعلامیه‌نی تطبیق قیلووچی تشکیلات، قطار مملکت‌لر برابریده بی‌فرق لیکنی تنله‌گن.»
ایتیش کیره‌ک که، اوتگن ۲۰ کون ایچیده مملکت نینگ قطار ولایت‌لریده محکوم بولگن‌لردن بیرقطاری گه دُره اوریلگن و فراه ده بیر متهم اوستیگه قصاص حکمی عملی بولگن که دنیا همجمعیت و انسان حقلری نهادلری نینگ قتیق قرشی‌لیگی بیلن روپه‌ره بولگن.