سلاموطندارنینگ ینگی دستور و اوسکونهلرنی ایجاد قیلگن ۴۰ نفر یاش بیلن آلیب بارگن صحبتلری شونی کورستهدی کی، اولرنینگ هېچ بیری نادولت یا کی دولت موسسهلری تامانیدن قۉللب-قوتلنمهگن. شو سببلی، اولرنینگ ایجادلری خلق تامانیدن فایدهلنمهی قالگن.
اوشبو ۴۰ نفر یاش و اوسمیردن ۹ نفری تکنالوژی، ۲۲ نفری مدنیت، ۴ نفری هنر، ۲ نفری ساغلیق، ۲ نفری دهقانچیلیک و باشقه بیر نفری اېسه برنامهلر اجتماعی بولیمیده ینگی ایجاد قیلگنلر و ایجادلری دوربین، شب نما، دران (پهباد)، دهقانچیلیک اوسکونه، سیار کتابخانه و بعضی دیجیتالی دستورلرنی اوز ایچیگه آلهدی.
اوشبو گزارش معلوماتلریگه کوره، بو ۴۰ نفر یاشدن ۲۴ نفری مدنیت و تکنالوژی بولیمیده برنامهلرینی عملگه آشیریش گه اولگورگن، بیراق باشقه برچه یاشلر اینیقسه ینگی ایجاد قیلگنلر، ایجادلرینی اهالی اورتهسیده عملگه آشیره آلمهگن.
گزارشده صحبت قیلگنلرنینگ اکثریتی ۱۸ دن ۳۲ یاشر بولگن و ۵ نفری ۱۵ یاشدن کیچیک بولگن.
گزارشده صحبت قیلگن یاشلرنینگ ایجادی دستلبکی بیراق اونیملی بولگن. صحبت قیلگنلرنینگ ایتیشیچه، مالیهوی حمایت بولیب و ایجادلری ترقیاتی اوچون امکانیت یرهتیلگن تقدیرده، تورلی ساحهلرده ینگی ایجاد قیلیشلری ممکن.
اولر آرهسیده شخصی مصرف و امکانیت بیلن نیچه ییل زحمت چیکیب و کیچه کوروچی دوربین توزهتگن ۳۲ یاشر محمدظاهر، اوشبو مدت دوامیده هېچ قندهی مادی و معنوی قۉللب-قوتلنمهگنینی ایتهدی.
او شوندهی دیېدی: «حاضرگچه فقط شو دوربیننی توزهتگن من و باشقه دوربین ایشلهگنیم یوق؛ دولت ارگانلریدن بعضیلری مینی چقیردی؛ مراجعت قیلگنیمده شو جهازلر خارجیلردن بیز گه قالگن دیېدیلر؛ مایوس بولدیم و حتا کېلهجک اوچون ریجهم یوق؛ ترغیب بولینمسه یاشلر قیزیقمهیدی.»
پروانلیک قلمیار، شخصی پولی بیلن دران توزهتگن – انیق صورتلردن جانلی عکس آلالهدی؛ بیراق مالیهوی قۉللب-قوتلنمسلیک اوچون لایحهسیدن واز کیچیش گه مجبور بولگن. اونینگ ایتیشیچه: «برچه سعی-حرکتلر و لایحه یکونیدن سۉنگ حکومت و نهادلر تامانیدن هېچ قندهی حمایت بولمهدیم؛ البته دوستلر ساتیب آلیش و سرمایه کیریتیش اوچون علاقه قوردیلر؛ بیراق افسوس بیلن مالیهوی حمایتسیزلیک و منبعسیزلیک باعث لایحهنی کېنگهیتیریش گه قیزیقمهدیم.»
گرچی یاشلر مدنیت، تکنالوژی و باشقه ساحهلرده ینگی خلاقیت و ابتکار قیلیش گه قیزیماقده بولسهده؛ بیراق اولر گه کوره، دولت و تشکیلاتلر تامانیدن مالیهوی و معنوی قۉللب-قوتلنمسلیک سببلی بعضی حاللرده اطرافدهگیلری اولرنینگ قیزییقیشیگه سلبی تأثیر قویهدی.
ننگرهارلیک ۲۵ یاشر رحمانالله، یاشلرنینگ بیلیمینی آشیریش مقصدی اوچون شخصی خرهجت بیلن سیار کتابخانه توزهتگن. اونگه کوره، بولرنی تیارلش اوچون تلفونینی ساتیش گه مجبور بولگن. او شوندهی دیېدی: «بیر تاماندن اقتصادی مشکلیم بار اېدی؛ حتا بونی اوچون تلفونیمنی ساتیشگه مجبور بولدیم، بیر ییردن باشقه جایگه آلیب بارردیم و کتابلر کمچیلیگی اینیقسه دری کتابلری آزلیگی بیلن دوچ اېدیم و پارکلرده کتابلرنی آلیب بارگنده، میز و چوکی یوقلیگی کبی قیینچیلیک بیلن دوچ بولردیم و شونینگدیک، باشقه قیینچیلیکلر.»
یاشلر تامانیدن توزهلگن اوسکونهلر دستلبکی بولسهده؛ بیراق یشاوچیلردن بیرقطاری، بو اوسکونهلر ایشلرینی قولیلشتیریش گه یاردم بیرگنینی ایتهدیلر. اولر، اوشبو ایجادر یاشلر دولت و تشکیلاتلر تامانیدن قۉللب-قوتلنیشینی سورهیدیلر.
دایکندیلیک ۲۹ یاشر رضا سلحشور، منطقهلریده دهقانچیلیک ایشلریگه قولیلیک کیلتیریش اوچون، ۲۰ دن آرتیق اوسکونه توزهتگن و دهقانلرنینگ قیینچیلیکلرینی سیزیلرلی درجهده حل قیلگن. دایکندیلیک دهقانلردن بولمیش اکبر گه کوره، رضا تامانیدن توزهتیلگن اوسکونهلر، اونینگ ایشینی آسانلشتیرگن و اضافه مصرف قیلمسلیککه آلیب کیلگن.
او شوندهی دیېدی: «اوشبو یاش تامانیدن توزهتیلگن اوسکونهلر قوش هیدهش اوچون دهقانچیلیک ایشینی آسانلتشیرهدی؛ یخشی قوش هیدهی دیدی و ییرلر یخشی حاصل بیریشیگه سبب بولهدی. جوده هم ارزان؛ باشقهلر ۶۰-۷۰ مینگ افغانی ساتیشهدی، بو ۲۰-۲۵ مینگ افغانی دیر.»
اقتصاد شناسلر، ایجاد کار یاشلر قۉللب-قوتلنیشینی تأکیدلب، بیلیم، اقتصاد ترقیاتی و جمعیت اهالیسی اوسیشی اوچون بیر امکانیت دیب اتهیدیلر.
اقتصاد شناس امیدالله قاسمزی شوندهی دیېدی: «ایشسیزلیک انقراضینی کمهیتیریش اوچون اېنگ آسان یول ایجاد کار یاشلرنی قۉللب-قوتلش دیر. کوپینچه کیشیلر گه ایش امکانیتینی یرهتگن و ایجادکارلیک یوکسلهدی و مملکتده قولیلیک یرهتیلهدی، محلی اقتصاد رواجلنهدی، کمبغللیک کمیهدی و ملی اقتصاد رواجلنیشیگه آلیب کیلهدی.»
افغانستان تخنیک و کسب-هنر تعلیمی ادارهسی مسئوللری، ایجاد کار عیاللرنی قۉللب-قوتلش اوچون کېنگ کولملی برنامهلری بولگنینی ایتهدیلر. تخنیک و کسب-هنر تعلیمی ادارهسینینگ یېتکرمهلر بیلن اویغونلتشیروچی مسئولی سفیر منصورینینگ ایتیشیچه، اوشبو لایحهلردن اېنگ یخشی تانیلگن ۱۸ لایحه، اولر تامانیدن عملی بولیش اوچون تنلنگن.
اونینگ کوپهیتیریشیچه: «قویاش ۱۴۰۴-ییلده، ۲۴۴ نفر ایجاد کاردن ۳۶۲ ته لایحه موجود بولیب، اولر برق، انرژی ایشلب چیقریش، برق ماشینلری، دهقانچیلیک ماشینلری، تکنالوژی، تصویری صناعت، قوریلیش مادهلری و حربی جهازلر ساحهلرینی قمرهب آلگن.»
تخنیک و کسب-هنر تعلیمی ادارهسی مسئوللرینینگ تأکیدلشیچه، اوشبو اداره یاشلرنینگ ایجادلری و تدبیرکارلیگینی رواجلنتیریش اوچون ایش جای، تخنیک اوسکونهلر، ضرور برق تأمیناتی بیلن تأمینلش، شونینگدیک، یاشلر لایحهلرینی معنوی و رسمی قۉللب-قوتلش آرقهلی اولر گه یاردم بیرماقده.
