بلخ ده‌گی صناعتچیلر و ایشلب چیقریش شرکت‌لر مسئوللریدن بیرقطاری، اسلام امیرلیگی مسئوللریدن اولرنی قۉللب-قوتلش اوچون برق نرخی و تشقریدن وارد اېتیله‌دیگن خام اشیا سالیق‌لری کمه‌یتیریلیشینی سوره‌گنلر.
اولر، برق نرخی و تشقی مملکت‌لردن وارد اېتیله‌دیگن خام اشیا سالیق‌لری یوقاری‌لیگی و اولکه ده ایشلب چیقریلگن خودی نرسه‌لر تشقریدن وارد اېتیلیشینی، اساسی قیینچیلیک‌لریدن عنوان قیلگنلر.
بیزلرنینگ فیسبوک صحیفه‌میزگه باش اورینگ!
بلخ ولایتیده ایشلب چیقریش شرکت‌لر نینگ مسئوللری، قۉشنی مملکت‌لردن مثل‌سیز توارلر وارد اېتیلیشیدن نالیب و خارجی توارلر سالیق‌لری کوپه‌یتیریلیشینی اېسته‌گنلر.
اولر نینگ ایشانچی گه کوره، مملکت ده ایشلب چیقریله‌دیگن خودی نرسه‌لر وارد اېتیلیشی ایچکی بازار اوستیگه سلبی تأثیر قوییب و ایچکی تولید قیلووچی شرکت‌لر نینگ رقابتینی قیین‌لشتیرگن.
بلخ حاکمی اورین باسری، ایچکی شرکت‌لرنی یقیندن کوزه‌تیش پیتیده، مملکت ترقیاتی اوچون محلی صناعت رواجلنیش اهمیتی و ایچکریده ایشلب چیقریلگن نرسه‌لر قۉللب-قوتلنیش اوستیگه تأکید اېتگن.
بیزلرنینگ «ایکس» ترماغی ده هم تعقیب قیلینگ!
بلخ حاکمی اورین باسری نورالهادی ابو ادریس گه کوره: «بو حمایت‌لر سالیق کمه‌یتیریلیشی، ایشلب چیقرووچی شرکت‌لر گه ییر بیریلیشی و ایشلری گه قولی‌لیک یره‌تیش، برق نرخی کمه‌یتیریلیشی و چیت ایل دن وارد اېتیله‌دیگن توارلر سالیق‌لری کوپه‌یتیریلیشینی اۉز ایچیگه آله‌دی.»
برچه‌سی بیلن، رسمی معلومات‌لر اساسیده حاضرگی کونده بلخ ولایتی بویلب قریب بیر مینگ ۷۰۰ کیچیک و بویوک ایشلب چیقریش شرکت بار. بو شرکت‌لر نرسه ایشلب چیقریش گه قۉشیمچه یوزلب کیشینی ایش بیلن تأمینله‌گن.
