اسلام امیرلیگی ساغلیقنی سقلش وزیری نورجلال جلالی، هندوستان ساغلیقنی سقلش وزیری جاگات پراکاش ندا بیلن اوچرهشیب و صحبت قیلگن.
هندوستان ساغلیقنی سقلش وزیرلیگی، اوتگن کون (۲۶-قوس، چهارشنبه)، اکس صحیفهسیده بیر بیانیه آرقهلی یازیشیچه، اوشبو اوچرهشووده سرطان گه قرشی دارولر و واکسینلردن عبارت پاکت، نمونه طرزده افغانستان گه تاپشیریلگن.
مذکور وزیرلیک، افغانستان گه انسانسیورلیک یاردملرنی دوام بیریش، ساغلیقنی سقلش ساحهسیده همکارلیک قیلیش و بو مملکتنینگ طبی نیازلرینی قوللب-قوتلش توغریسیده هندوستاننینگ متعهدلیگینی بیلدیرگن.
هندوستان ساغلیقنی سقلش وزیرلیگی، دارولر، واکسینلر و ۱۲۸ قطعهلیک سیتی اسکن دستگاهسیدن عبارت یوکنینگ افغانستان گه یوباریلیشینی معلوم قیلگن.
اسلام امیرلیگی ساغلیقنی سقلش وزیری، جاری هفته سهشنبه کونی ساغلیقنی سقلش همکارلیکلری مستحکملنیشی، تجربهلر المشتیریلیشی و قوشمه سعیوحرکتلر هماهنگلیگی اوچون هندوستان گه کیتدی.
