هلمند مرکزیدن ناوه، نهرسراج، گرمسیر، سنگین، مارجه، نادعلی و باشقه تومنلریگچه فعال بولگن سیگیر باقیش و ییتیشتیریش فارملری موجود بولیب، اولرنینگ محصوللری محلدهگی یشاوچیلرنینگ اساسی احتیاجلرینی تامین قیلهدی. مذکور فارملرنینگ کوپینچهسی خصوصی سکتور تامانیدن باشقریلیب و اولردهگی سیگیر ییتیشتیریش اسلوبلری حاضرگچه سنتی شکلده قالگن. هلمند دهگی اینگ قدیمی سیگیر باشقیش و ییتیشتیریش فارملریدن بیری، بو ولایت مرکزی لشکرگاه شهرینینگ «بولان» منطقهسیده جایلشگن که، محمدظاهرشاه دوریدن بویان فعال بولیب و حاضرگچه خصوصی سکتور تامانیدن مدیریت بولهدی.
کونلیک کوپینچه تولیدگه قرهمهی، هلمند دهگی سیگیر ییتیشتیریش فارملری حاضرگچه جدی قیینچیلیکلر جملهدن اساسی جهازلرنینگ ییتیشمسلیگی، متخصص کوچلر یوقلیگی و خوفسیزلیک همده ییترلی سقلش امبارلرینینگ موجود ایمسلیگی بیلن دوچ کیلماقده. بولان منطقهسیدهگی فارم مسئوللریگه کوره، سونگی بیر ییل ایچیده اونلب باش سیگیر و بوزاق دارو-درمان ییتیشمسلیگی، ناتوغری آزیقلنتیریش همده دوالنیش خذمتلری یوقلیگی سبب اورتهدن کیتگن. اولر مذکور فارملر وضعیتی یخشیلنیشی و رواجلنیشی توغریسیده مسئول دولتی نهادلر و خلقارا موسسهلر آرقهلی بیللی برنامهلر اوتکزیلیشی بیلن عملی آدیملرنی آلینیشیگه امیدوارلیک قیلگنلر.
بیزلرنینگ «ایکس» ترماغی ده هم تعقیب قیلینگ!
بولان منطقهسیدهگی سیگیر باقیش و ییتیشتیریش فارم مسئولی عبدالهادینینگ ایتیشیچه: «حاضرگچه بیزلرگه دولت سیگیر ییتیشتیریش بولیمیده هیچ قندهی یاردم بیرمهگن. اوتگن ییلدن بیری قریب ۳۵ باش سیگیر و ۴۰ باش بوزاق تلف بولگن. سیگیرلرنینگ آزیقلنتیریلیشی، دارو و دوالنیشی بولیمیده یاردم گه نیازیمیز بار. بو ییرده قریب ۸۰ باش ساغین سگیر بار که کونده ۲۴ ساعتده قریب بیریریم خروار تازه سوت تولید قیلهدیلر.»
اوشبو فارملرده اونلب یاش مستقیم شکلده ایش بیلن شغللنگن. بو مرکزلر اولر اوچون نه فقط سوت ایشلب چیقریلیش بیر ییر بولمهی، بلکیم کوندهلیک احتیاجلرنی تامینلش و درآمد قولگه کیلتیریش منبعسی حسابلنهدی. اوشبو فارملردهگی ایشلاوچیلر باشقه سرمایه یاتقیزووچیلردن اهالیگه کوپینچه ایش فرصتلری یرهتیلیشی مقصد بو کبی بولیملرده سرمایه یاتقیزیشلرینی ایستهگنلر.
بولان فارم ایشلاوچیلریدن بیری شیخمحمدنینگ ایتیشیچه: «سوداگرلردن اهالیگه ایش فرصتلری یرهتیلیشی اوچون سرمایه یاتقیزووچیلردن بو بولیمده سرمایه یاتقیزیشلرینی ایستهیمیز. بو ییرده قریب ۱۰-۱۲ کیشی ایشلهیمیز و بو ییرده ایش بیلن شغللنگنیمیز اوچون جودهیم خورسندمیز.»
شونینگدیک بولان فارم ایشلاوچیلریدن باشقه بیری سیدعالمنینگ ایتیشیچه: «بو ییرده کوپینچه مدتدن بویان ایشلهیمن و ایشیمدن راضیمن. باشقه سوداگرلردن بو بولیمده سرمایه یاتقیزیشلری و اهالینینگ ایش گه آلیشلرینی ایستهیمن. بو کبی بیر ایش بولگنیده اهالی ناقانونی شکلده باشقه مملکتلرگه بارمهیدی. حاضر برچه قیینچیلیک ایشسیزلیک اوچون دیر.»
اقتصادی و ایکینچیلیک مسئلهلر بیلرمانلرینینگ ایشانچلریگه کوره، بو فارملرنینگ زمانهوی اوسکونهلر بیلن جهازلنگنی، ساووقخانهلر، توغری آوقتلنتیریلیش و یخشی نسلگه ایگه بولگن سیگیرلردن فایدهلنیلیشی صورتده، ایچکی تولیدلر سطحی آشیشی گه علاوه، صفتسیز سوت محصوللر وارد بولیشی آلدی هم آلینهدی.
بو توغریده اقتصادی و ایکینچیلیک مسئلهلر بیلرمانی محمدیعقوب هلمندینینگ ایتیشیچه: «بو فارملر زمانهوی ماشینلر، ساووقخانهلر، صفتلی آزوقهلر و یخشی نسللی سیگیرلر بیلن جهازلنگنی صورتده، سوتنینگ ایچکی بازارینی کوچلنتیرهدی و واردات گه بولگن نیازنی کمهیتیرهدی.»
بیزلرنینگ فیسبوک صحیفهمیزگه باش اورینگ!
عین حالده، هلمند ده محلی مسئوللرینینگ ایتیشلریچه، بو ولایتده سیگیر سقلش و ییتیشتیریش فارملریگه اهالی توجهسیز کوپهیگن. اولرگه کوره، کونده بو فارملردن قریب ۶۸ مینگ لیتر سوت بازار گه چیقریلهدی. هلمند ایکینچیلیک، چاروهچیلیک و سووغاریش ریاستی چاروهچیلیک مدیری محمدالله منلینینگ سلاموطندار گه ایتیشیچه، حاضر بو ولایتده ۲۵۰ فارم فعال دیر.
شونینگدیک اونینگ سوز بیریشیچه، اوشبو ادارهدهگی موجود امکانیتلرنی فارم ایگهلری بیلن شریک قیلیشلری ممکن. «هلمنده ده کونده قریب ۶۸ مینگ لیتر سوت سیگیر فارملریدن تولید بولهدی که رسمی بولمهگن رقملرنی نظرگه آلگنیمیز صورتده بو رقم یوقاری کیتهدی. توپلم شکلده ۲۵۰ فارم بار که بو آرهده قریب ۸۰ فارم، ساغین سیگیرلر فارمی و فالگنی ایسه نژادی و ایتلی سیگیرلر اوچون دیر.»
ایشانچلرگه کوره، چاروهلر ییتیشتیریلیش مرکزلرینی قوللب-قوتلش نه فقط عایلهلر اقتصادی کوچلنیشیگه یاردم بیرهدی، بلکیم ایچکی تولیدلرنینگ خودکفالیگینی تیزلنتیرهدی. لیکن یشاوچیلر مسئول نهادلر آرقهلی چاروهچیلر نیازلری و قیینچیلیکلرینینگ وقتیده حل بولینیشینی و شونینگدیک حمایتی بودجهلر تامینلنیشی بیلن مذکور اونملی بولیمنینگ کوچلنیشی اوچون خلقارا موسسهلرنینگ تشویق بولینیشینی سورهگنلر.
