هلمند مرکزی لشکرگاه شهری یشاوچیسی بولمیش ۴۵ یاشر رازمحمدنینگ ایتیشیچه، برچه سرمایهسی ایسکیرگن بیرته ریکشاسی دیر. اونگه کوره، اوی ایگهسی اونینگ اویدن چیقیشینی ایتگنی سبب، بیر اتاقلیک اویده یششگه مجبور بولگن.
اونینگ کوپهیتیریشیچه، کرایی اویلرده حیات کیچیرهدیگنلردن کوپ قطاری، اوی اجارهلرینی توللشگه کوچی ییتیشمهیدی. «یالغیز اوشبو بیرته ریکشام بار که کونیمنی شو بیلن ایشلب اوتکزهمن. اوی ایگهسی اوچ کونده اویدن چیقیشیمنی ایستهدی. حاضر بیر ته اوی اجاره قیلگنمین و برچه اوی نرسهسی و بالهلریم بیلن اونگه سیغمهیمیز، لیکن باشقه چارهمیز یوق. اوچ-تورت اتاقلیک اوینی اجاره قیله آلمهیمیز، چونکه اونینگ کرایهسی آلتی-ییتی مینگ افغانی بولهدی.»
لشکرگاه شهریده اوی کرایهسی یوقاری کیتیشی سبب، اجارهچیلردن قطاری اویلرینی ترک قیلیشگه مجبور بولگنلر. هلمند مرکزی لشکرگاه شهریدهگی عایلهلردن قطاری، حاضر ایسه شهردن تشقریده، اوی قیمتلری ارزانراق بولگن محللرگه باریش اوچون سعیوحرکت قیلیب و باشقه بیر قطاری ایسه بیر اویدن باشقه بیر اویگه کوچیش بیلن سرگردان دیر.
بیزلرنینگ فیسبوک صحیفهمیزگه باش اورینگ!
کرایی اویلرده حیات کیچیرهدیگن لشکرگاه شهریدهگی یشاوچیلردن یوسفجاننینگ ایتیشیچه: «کون اوتیشی بیلن اوی کرایهسی یوقاری کیتهدی و بیزلرنی کوچیمیز ییتیشمهیدی و دولتدن بو توغریده توجه قیلیشینی ایستهیمیز. شونینگدیک اوی ایگهلریدن هم بیراز انصاف قیلیشلرینی ایستهیمیز.»
کرایی اویلرده حیات کیچیرهدیگن لشکرگاه شهریدهگی یشاوچیلردن باشقه بیری سیدمحمد صابر گه کوره: «حاضر مجبورلیک خامه بیر اویگه کوچ قیلدیک. بو اویدن بوندن آلدین ۲ مینگ افغانیگه هیچ کیم آلمهیدی، بیراق حاضر مین بو اویدن ۵ مینگ افغانیگه کرایه آلگنمین. کرایه آلیش چاغیده هم سودا قوللنمه دفتری ایکی مینگ ۵۰۰ افغانی آلدی.»
شوندهی بیرحالده، هلمند ده سودا قوللنمه دفترلرینینگ بیرلشمهسی مسئوللری، اوی کرایهسی آشگنیگه تیگیشلی ایتیشیچه، اولر عدلیه وزیرلیگی آرقهلی صادر بولگن رسمی بیر لایحه اساسیده، عمل قیلهدیلر.
مذکور بیرلشمه باشلیغی رحمتالله رحمانینینگ ایتیشیچه: «عدلیه وزیرلیگی بیر مکتوب نی یوبارگن که اونینگ اساسیده، اوی کرایهسی توغریسیده هم بیر طرح ذکر بولگن. بیزلر بو طرح و مکتوب اساسیده اقدام قیلهمیز.»
بیزلرنینگ «ایکس» ترماغی ده هم تعقیب قیلینگ!
اجتماعی فعاللریدن قطاری، اجتماعی نظم سقلنیشی و اقتصادی باسیملر کمهیشی اوچون سرپرست حکومتدن، اوی کرایهسی اوچون بیللی بیر نرخنامه یرهتیلیب و متخلفلر بیلن جدی شکلده یاندهشیلیشینی ایستهگنلر. اجتماعی فعاللریدن بیری میوند میرنینینگ ایتیشیچه: «دولت اجارهچیلرنی قوللب-قوتلشی و اولرگه ظلم قیلهدیگن کیشیلرنینگ آلدینی آلیشی کیرهک که، اجارهچیلر هم باشقه کیشیلر کبی آرام بیر شکلده حیاتلریگه دوام بیرسینلر.»
هلمند مرکزی یشاوچیلری اوچون اوی کرایهسی یوقاریلیگی قیینچیلیگی توغریسیده، مذکور ولایت عدلیه باشلیغی محمد محمدینینگ ایتیشیچه، اوی اجارهچیلردن قانون گه قرشی کوپراق پول ایستهگن کیشی بیلن، عدلی نهادلر آرقهلی قانونی یاندهشیلیشی ممکن. «بیزلرگه شکایت کیلگن که، بوندن آلدین ۲ مینگ افغانی بولگن اویلر کرایهسی، حاضر ایسه ۴ مینگ افغانی یا-ده اوی کرایهلری ۵ مینگدن ۱۰ مینگ گه ییتیشگن. بیزلر بو وضعیتنینگ آلدینی آلیش اوچون سعیوحرکت قیلماقدهمیز و هیچ کیم گه بو ایش توغریسیده رخصت بیرمهیمیز.»
هلمند ده اجارهچیلر ایستهگی بیللی دیر؛ اولر اوی کرایهلری اوچون بیللی نرخنامهلر یرهتیلیشی و عملگه آشیریلشی و شونینگدیک نیازمند عایلهلرگه باسیم کیلتیریلمهی و هر بیر یشاوچی عایلهلری بیلن بیر اوی کرایه قیلیب، راحت بیر شکلده حیات کیچیریشنی ایستهیدیلر.
