اسلام امیرلیگی فواید عامه وزیرلیگی، اوتگن بیر هفته ایچیده تیمیر یوللری آرقهلی ۸۷ مینگ ۷۸۳ متریک تُن توار آلیش بیریش- بولگنینی معلوم قیلگن.
فواید عامه وزیرلیگی سۉزلاوچیسی محمداشرف حقشناس، بوگون (۲۶-اسد، یکشنبه) ایکس صحیفهسیده بیر بیانیه ترقهتیب، بو توارلر قویاش ۱۴۰۴-ییل، ۱۷ دن ۲۳-اسد گه قدر تیمیر یوللری آرقهلی آلیش-بیریش بولگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بیانیه اساسیده، حیرتان بندری آرقهلی ۵۵ مینگ ۳۹۵ متریک تُن، آقینه بندری آرقهلی ۸۱ مینگ ۲۰ تُن، تورغندی بندری آرقهلی ۱۳ مینگ ۹۰ تُن و خواف-هرات بندری آرقهلی ۱۱ مینگ ۱۷۸ تُن توار، آلیش-بیریش بولگن.
اوتگن بیر هفتهده افغانستان تیمیر یوللری آرقهلی صادر بولگن ۱۹۷ تُن توارلرنینگ کوپ قسمینی قوریق میوه و انار سووی تشکیل بیرگنی ایتیلگن.
بیزلرنینگ «ایکس» ترماغی ده هم تعقیب قیلینگ!
فواید عامه وزیرلیگیگه کوره، تیمیر یوللریدن صادرات و وارداتنینگ کوپهیگنی، کوپینچه ایش فرصتلری یرهتیلیشی، ملی درآمد کوپهیشی، اقتصادی برقرارلیک، رواجلنیش و خودکفالیک فرصتلری یرهتیلیشیگه سبب بولهدی.
