سلاموطندار ۲۲ تدبیرکار عیال بیلن صحبت اوتکزگن، بو عیاللر تورلی قیینچیلیکلر گه قرهمسدن، کیچیک تجارت و اوی ایشلرینی کېنگهیتیریب و سېزیلرلی موفقیتلر گه قول تاپگنلر. اوشبو عیاللر، تیکووچیلیک، تاووقچیلیک، توقیش و آنلاین تجارت ساحهلریده ایشلهیدیلر، کوپینچهسی دولت و نادولتی نهادلر تامانیدن مالی قۉللب-قوتلنمسدن، کیچیک سرمایه یاتقیزیش و سعی-حرکتلری بیلن، اۉز درآمدلرینی نیچه برابر آشیریش گه اولگورگنلر.
بو گزارش اساسیده، اوشبو ۲۲ تدبیرکار عیالدن ۱۸ نفری، مالی حمایت بولمسدن قرض یا-ده شخصی پوللری بیلن تجارتلرینی باشلهگنلر و حاضر عایلهلری و جامعه اقتصادی یخشیلنیشی اوچون فعالیت قیلماقدهلر. اولرنینگ ایشانچی گه کوره، دولت و اهالی تامانیدن حمایت بولگنلری تقدیرده، ایچکی بازار بویوک بولیملرینی قولگه آلیب و مملکت اقتصادی یخشیلنیشی گه یاردم بیریشلری ممکن.
کابللیک ۲۳ یاشر قدسیه، اوچ ییلدن بیری تیکووچیلیک ایشلری بیلن مصروف دیر ایتیشیچه، ایچکی قدرت و مثبت انگیزه همده مالی حمایتسیز، ایشینی کېنگهیتیریش گه اولگورگن.
اونینگ کوپهیتیریشیچه: «اوچ ییلدن بیری تیکووچیلیک قیلهمن، اول شاگرد اېدیم کېین اېسه مستقل ایشلش گه قرار قیلیب و باشلهدیم، یاردم اوچون دولت و خصوصی نهادلر گه بارگنیم یوق کوپ سعی-حرکت و اللهنینگ فضلی بیلن حاضر یخشی درآمد قیلهمن اۉزیم و عایله گه یاردم بیره آلهمن.»
کابل یشاوچیسی ۳۵ یاشر فوزیه، آنلاین تجارتینی باشلش گه اشاره قیلیب، قیینچیلیکلر و تجربهسی بولمسلیکّه اعتبار بیرمسدن، ایشیگه موفق بولگنینی اېتهدی.
اونگه کوره: «بیرینچیدن آنلاین تجارتنی باشلهدیم، تجربهم یوق اېدی، تجربه یوقلیگی اوچون نیچه مرته زیان کوردیم. مارکیتینگ اسلوبلرینی بیلمسدیم، کوپ قیینچیلیک بیلن دوچ اېدیم؛ بیراق هر تجربه و زیان کوریشدن درس آلیب و هر قندهی بولسههم ایشیمنی رواجلنتیریش گه جدی قرار قیلدیم و خورسندلیک یا-ده بدبختلیک بیلن پول اوچون دولت یا-ده شخصی نهادلر گه مراجعت قیلگنیم یوق.»
بیزلرنینگ فیسبوک صحیفهمیزگه باش اورینگ!
بدخشانلیک ۲۰ یاشر نادیه گه کوره، مملکت دهگی سۉنگی سیاسی اوزگریشدن کېین آز سرمایه بیراق کوپ سعی-حرکت بیلن تاووقچیلیک فارمینی توزهتیب و ایشینی رواجلنتیریش گه اولگورگن و بو یول آرقهلی اقتصادی قیینیچلیکلرینی کمهیتیرگن. «قریب اوچ یا-ده تورت ییل بولماقده که بیر ایش تاپیب اۉز و عایله قیینچلیکلرینی حل قیلیش گه قرار قیلگندیم، اۉز ایشیمنی اوچ مینگ افغانی سرمایه یاتقیزیش بیلن باشلهدیم و بو مقدار پولنی قرض آلگن اېدیم و حاضر سرمایهم کوپهیب و ۵۰ مینگ افغانی گه یېتگن و سرمایهم کوپهیشنی اېستهی من، آز درآمد بیلن اۉزیم و عایله گه یاردم بیره آلهمن.»
بلخلیک ۱۹ یاشر مهدینینگ ایتیشیچه، گرافدوزلیک، تیکووچیلیک و قول توقیمه بیلن دایمی درآمد منبع گه ایگه بولیب و بو یول آرقهلی قریب ۸۰ مینگ افغانی ییققن. اونینگ کوپهیتیریشیچه: «گرافدوزلیک، تیکووچیلیک و قول توقیمه یا-ده رنگهدوزلیک قیلهمن؛ کوپ کیچیک سرمایه بیر مینگ افغانی بیلن باشلهدیم و استه-سیکین ایشلهدیم و حاضر قیلهدیگن درآمدیم اۉزیم اوچون ییترلی دیر. ایشیمنی اورتاقلریمدن قرض آلیش بیلن باشلهدیم. حاضرگی کونده اۉزیم و عایلمنینگ احتیاجلرینی تأمینلهی آلهمن. مین بو ایشنی بیکارلیک پیتلریده بجرهمن؛ درآمدیم یخشی و حاضر پولیم ۸۰ مینگ افغانی گه ییتگن.»
شو بیلن بیرگه، عیال حقوقی فعاللریدن بیرقطارینینگ ایتیشلریچه، تدبیرکار عیاللر مملکت اقتصادی ترقیاتی اساسی ستونلریدن سنلهدی، ایش و اوقیشدن محروم بولگن خاتین-قیزلر اوچون یخشی الگو بولیشلری ممکن.
بیزلرنینگ «ایکس» ترماغی ده هم تعقیب قیلینگ!
عیال حقوقی فعالی حسنا رئوفی گه کوره: «شو خاتین-قیزلر افغانستانده خصوصی سکتور ستونلریدن سنلهدی. فرض قیلسهی دنیاده افغانستان قالینیدن آت توتیلسه، شو عیاللرنینگ چیککن زحمتلری دیر؛ مثال اوچون افغانی کییم و بونگه اوخشهگن مینگلب نرسه تدبیرکار عیاللرنینگ زحمتی دیر. افغانستان خاتین-قیزلرینینگ خودکفالیگی، ایش و اوقیشدن محروم بولگن خاتین-قیزلر اوچون یخشی الگو بولیشی ممکن.»
عینحالده، اقتصادی مسئلهلر بیلرمانلریدن بیرقطارینینگ ایشانچی گه کوره، تجارت و صناعت ساحهلریده عیاللرنینگ حضوری نهفقط عایلهلرنینگ اقتصادی یخشیلنیشی گه یاردم بیرهدی، بلکه مملکتده اقتصادی ترقیات و ایش امکانیتلری یرهتیلیشی گه سبب بولهدی.
اقتصادی ایش بیلرمان عبدالنصیر رشتیانینگ ایتیشیچه: «شبههسیز، جامعهده عیاللرنینگ حضورسیزلیگی ناممکن دیر که جامعه اۉز ایاغیگه تورسه. جامعهنینگ یریمینی عیاللر تشکیل بیرهدی، اجتماعی، اقتصادی، سیاسی و باشقه ساحهلرده عیاللرنینگ حضوری جامعه ترقیاتی و اقتصاد یخشیلنیشی گه سبب بولهدی، حکومت سوداگر و صناعتچی عیاللرنی حمایت قیلیشی کېرهک.»
برچهسی بیلن، سرپرست حکومت صناعت و سودا وزیرلیگی مسئوللری، سوداگر و تدبیرکار عیاللرنینگ سانی حقیده معلومات بیرمسهده، بیراق بو وزیرلیک برچه ساحهده تجارت امکانیتلرینی یرهتیش و کورگزمهلر اوتکزیش بیلن، بو عیاللرنی قۉللب-قوتلماقدهلیگینی اېتهدیلر.
صناعت و سودا وزیرلیگی سۉزلاوچیسی آخوندزاده عبدالسلام جوادنینگ ایتیشیچه: «سودا و صناعت وزیرلیگی برچه ساحهلرده تدبیرکار عیاللرنی قۉللب-قوتلماقده و مملکت ۳۴ ولایتیده مینگلب عیال گه صناعت و سرمایه یاتقیزیش بولیملریده امکانیت یرهتیش گه سعی-حرکت قیلماقده و سرمایهلری آشیشی اوچون کورگزمهلر اوتکزیلیب و عیاللر گه حصه بیریلهدی بو اۉز محصولاتلری اوچون بازار قیدیریش و باشقه تاماندن ایشلریگه دوام بیریشلری گه سبب بولهدی.»
بوندن آلدین افغانستان عیاللر سودا اتاقی مسئوللری، مملکت مقیاسیده ۹۰۰۰ دن کوپراق عیال خصوصی سکتورنینگ تورلی بولیملریده مصروف؛ بیراق ایچکی و خارجی بازار یوقلیگی، اقتصاد کسادلیگی و مالی امکانیت یوقلیگی، بو عیاللر کوپینچه قیینچیلیکلر بیلن روپهره لیکلرینی اېتگن اېدیلر.
