پروان مرکزی چاریکار شهریده هوا ایسیقلیگی و موترلرنینگ اوتیب قیتیشی شاوقینی آرهسیده، ایکی ایرکک بوکیلیب و سرکلر چقورلیگینی تولدیرماقده. اولر بو ایش عوضیگه، اوشبو یولدن اوتیب قیتهدیگن موتر هیداوچیلریدن بیر نیچه افغانی قولگه کیلتیریشنی کوتیب تورگنلر.
۵۱ یاشر عبدالشکور، سرکدن اوتیب قیتهدیگن کیشیلردن ۱۰ افغانی قولگه کیلتیریش مقصد، بیل و کلنگنی قولیگه آلیب، سرکلردهگی چقورلیکلرنی تاشچهلر و توپراق بیلن تولدیرماقچین. «قیرده بیران ایش گه یرهمهگن توپراق و تاش بولسه، کیلتیریب بو سرکلر چقورلیگیگه تشلهگنمیز و بو یول آرقهلی نان پولینی قولگه کیلیترهمیز. بیران کیشی بیران روپیه بیرهدی و بیران کیشی بیرمهیدی.»
بیزلرنینگ «ایکس» ترماغی ده هم تعقیب قیلینگ!
اونینگ یوزی، ساچی و کییمی سرک چنگی و توپراق بیلن تولگن، او هم باشقه مینگلب کیشی کبی سکوت ایچیده قشاقلیککه قرشی کورشماقده. عبدالشکورنینگ کوپهیتیریشیچه، بو ایش نی قیلمسه، بالهلریگه نان تاپه آلمهی و اولر آچ قالهدی.
اونگه کوره: «هیه، کوپ چرچهیمن. بو ایشدن بیران روپیه قولگه کیلتیرسک یا-ده کیلتیرمهسک، شو رقم اویگه کیتهمیز. بوگون سووسیز هم قالدیم و پولیم یوق ایدی، شو رقم سووسیز و آچ ایشلب یوریگنمیز. نیمه یالغان ایتهی بیر کیشی ۱۵ افغانی وبیر کیشی ۵ افغانی و شو رقم باشقه بیری ایسه ۱۰ افغانی بیردی.»
بیزلرنینگ فیسبوک صحیفهمیزگه باش اورینگ!
شونینگدیک چاریکار شهری یشاوچیلریدن باشقه بیری علاءالدین، قشاقلیک سبب عبدالشکور بیلن همکارلیک قیلیشگه مجبور بولگن. اونینگ ایتیشیچه، عایله خرهجتینی تامینلش یوکی بوینیگه بولمهگنی صورتده، بیر دقیقه هم سرکلرده توختهیدی. «۸ کیشیلیک بیر عایلهمیز. ایکی-اوچ آیدن بیری بو ییرده ایشلهیمین. ایکی کیشیمیز و سرکلر چقورلیگینی تولدیرهمیز که موترلر یخشی اوتیب قیتسه. بعضا بیران ۳۰-۴۰ روپیه قولگه کیلهدی.»
عبدالشکور و علاءالدین، حیات یوکی آستیده بیلی بوکیلگن و بو قیینچیلیکدن قاچیشگه یول تاپه آلمهگن ایرککلر نمونهسی دیر که، اولر بالهلریگه کیچهلر بیر لقمه ناننی تامینلش مقصد، بو قیینچیلیکلرنی چیدهش گه مجبور بولیشگن.
