افغانستان سرپرست حکومتی قاچقینلر وزیرلیگی مسئوللری نینگ ایتیشلریچه، پاکستان دن افغانستان‌لیک قاچقینلر نی جبری شکلده چیقریلیشی ایکینچی باسقیچی باشلنیشی بیلن بیرگه، اونینگ بیرینچی باسقیچی گه قره‌گنده چیقریلیشلر میزانی کمه‌یگن.
مذکور وزیرلیک سوزلاوچیسی عبدالمطلب حقانی نینگ ایتیشیچه، پاکستان دن افغانستان‌لیک قاچقینلر نی جبری شکلده چیقریلیشی ایکینچی باسقیچی باشلنیشی بیلن، کونده ۵۰-۶۰ عایله مملکت گه قیتگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، جبری شکلده چیقریلیش نینگ بیرینچی باسقیچی‌ده افغانستان گه کونده مینگ‌لرچه عایله قیتریلگن دیر.
حقانی نینگ اورغولشیچه، افغانستان‌لیک قاچقینلر نینگ جبری شکلده چیقریلیش قراری، اسلام امیرلیگی مصلحتی بیلن صورت تاپیشی کیره‌ک. «قاچقینلر موضوع‌سی ایکی تامانلمه دیر و بیر تامان نینگ قرار آلیشی ایکی مملکت فایده‌سی گه ایمس. قاچقینلر حقیده قرار آلینگنی صورت‌ده ایکی تامان نینگ قرار آلیشی کیره‌ک و قاچقینلر افغانستان گه قوشمه بیر مکانیزم‌ده قیتریلیشی کیره‌ک.»
شونده‌ی بیرحالده، پاکستان دن افغانستان‌لیک قاچقینلر نینگ جبری شکلده چیقریلیشی ایکینچی باسقیچی باشلنیشی بیلن اوشبو مملکت گه جبری شکلده قیتریلگن عایله‌لردن قطاری، سرپرست حکومت‌دن اولر گه باش پنه یره‌تیلیشی نی ایسته‌یدیلر.
پاکستان دن قیتگنلردن عبدالله نینگ ایتیشیچه: «اسلام امیرلیگی‌دن بیزلر گه ایش و باش‌پنه یره‌تیلیشی نی ایسته‌یمیز و باش‌پنه‌میز یوق.»
بیزلرنینگ فیسبوک صحیفه‌میزگه باش اورینگ!
افغانستان گه قیتگن قاچقینلردن باشقه بیری نعیم‌گل نینگ ایتیشیچه: «اوتگن پنج‌شنبه کونی پیشاور دن کیلدیک. سکیز کیشی‌لیک عایله‌میز و سیزلر باش‌پنه تامین‌لنیشی اوچون یاردم بیرینگلر.»
قاچقینلر وزیرلیگی نینگ آماری اساسیده، پاکستان دن افغانستان‌لیک قاچقینلر نینگ جبری شکلده چیقریلیشی بیرینچی باسقیچی‌ده، ۵۰۰ مینگ‌دن آرتیق کیشی جبری شکلده پاکستان‌دن قیتریلگن دیر.