افغانستان شرقی حدودلری اینیقسه کنر و ننگرهارده هلاکتلی زلزله یوز بیرگنیدن سۉنگ، تورلی مملکتلر تامانیدن انسان سیورلیک یاردملرنینگ یوباریش جریانی باشلنگن.
روسیه فوقالعاده وضعیتلرنی باشقریش وزیرلیگی، ۱۳-سنبله، پنجشنبه کونی ۲۰ تُنلیک بیرینچی انسان سیورلیک یاردملر یوکینی افغانستان گه یوللـهگنینی بیلدیرگن. بو یاردملر روسیه جمهور باشلیغی ولادیمیر پوتیننینگ بویروغی بیلن زلزله طفیلی جبر کورگنلرنی قۉللب-قوتلش اوچون افغانستان گه یوباریلگن.
شو بیلن بیرگه، جاپاننینگ انسان سیورلیک یاردملر بیرینچی یوکی بوگون (۱۴-سنبله، جمعه) ایرتهلب کابل گه یېتیب کیلدی. جاپان ایلچیخانهسی گه کوره، بو یاردملر خیمه و کمپلدن عبارت خلقارا قیزیل خاچ فدراسیونی و افغان قیزیل آی جمعیتی گه تاپشیریلگن.
جاپان رسمیلری، اوشبو یاردملر تیزلیک بیلن زلزله باعث جبر کورگن عایلهلر گه یېتکزیب بیریلیشینی ایتگنلر.
اسلام امیرلیگی رسمیلرینینگ معلوماتی اساسیده، فقط کنرده زلزله عاقبتیده حاضرگه قدر ایکی مینگ ۲۰۵ کیشی هلاک بولیب و اوچ مینگ ۶۴۰ کیشی یرهلنگن.
