کابل غربی قسمیده دشت‌برچی یشاوچیلریدن بیر قطاری نینگ ایتیشلریچه، حکومت اولرنی اوی‌لری نینگ ایشیگیده خوفسیزلیک کمره اورنه‌تیشگه مجبور قیلگن.
کابل شهری دشت‌برچی یشاوچیلریدن عبدالهادی امینی نینگ سلام‌وطندار گه ایتیشیچه، حکومت اوشبو منطقه یشاوچیلریدن قطارینی، اوی‌لری نینگ ایشیگیده خوفسیزلیک کمره اورنه‌تیشگه مجبور قیلگن.
امینی نینگ کوپه‌یتیریشیچه: «جبری مسئله دیر، اورنه‌تیشیمیز کیره‌ک. بو نتیجه بیریشیگه ایشانمه‌ی من؛ چونکه بو منطقه ده کوپ وقت‌لر برق یوق؛ یریم کون برق یوق، کیچه هم شونده‌ی. بو کمره‌لر مثبت نتیجه بیره‌دی دیب اویلمه‌ی من.»
بیزلرنینگ فیسبوک صحیفه‌میزگه باش اورینگ!
دشت‌برچی یشاوچیلری نینگ معلوماتی اساسیده، حکومت یوقاری قوتلی انشاآت‌لر نینگ ایگه‌لری و تعلیمی مرکزلر مسئوللریدن، ایشیکلریده خوفسیزلیک کمره اورنه‌تیشنی طلب قیلگن.
ایچکی ایشلر وزیرلیگی، آسیب‌پذیر منطقه‌لرده خوفسیزلیک کمره‌لرنی اورنه‌تیش جریانی باشلنگن و هلیگچه دوام ایتماقده دیدی.
ایچکی ایشلر وزیرلیگی سوزلاوچیسی نینگ اورین باسری بسم‌الله حبیب، خوفسیزلیک کمره‌لر حکومت یا محل یشاوچیلری نینگ پولی بیلن اورنه‌تیلیش سوالی گه جواب بیرمه‌یدی.
او، دشت‌برچی ده برق تنقیص‌لیگی خصوصیده ایتیشیچه: «برق یوق‌لیگی کتته قیینچیلیک دیر. بوتوغریده سولردن قوللنیب برقینی تأمین قیلیشمیز ممکن.»
بیزلرنینگ توییترده هم تعقیب قیلینگ!
ایتیش کیره‌ک که، دشت‌برچی کابل شهری نینگ آسیب‌پذیر منطقه‌لریدن سنله‌دی که انده_سنده ترورچی گروه‌لر قانلی هجوم اویوشتیریب و اونلب اهالی نینگ اولیب و یره‌لنیشیگه سبب بوله‌دی.
یقینده کاج تعلیمی مرکزی گه اویوشتیریلگن قانلی خودکش هجوم ده، ۵۳ دن آرتیق کیشی هلاک بولیب و باشقه ۱۱۰ کیشی یره‌لندی.