رویترز خبرگزارلیگی نینگ گزارش بیریشیچه، قطر ده طالبان دفتری باشلیغی و سیاسی اورین‌باسری ملا عبدالغنی برادر، افغانستان کیله‌جک حکومتی نی رهبرلیک قیلیشی ممکن. رویترز نینگ یازیشیچه، طالبان منبع‌لریدن کمیده اوچ ته‌سی بو خبرنی تصدیقله‌گن.
اوشبو منبع‌لرگه کوره، طالبان اساسچیسی ملا عمر نینگ اوغلی ملا یعقوب و شونینگدیک قطر ده طالبان سیاسی دفتری نینگ حاضرگی اورین‌باسری شیرمحمد عباس استانکزی هم کیله‌جک دولتده عالی مقام گه ایگه بولیش‌لری ممکن.
بیزلرنینگ فیسبوک صحیفه‌میزگه باش اورینگ!
طالبان رسمی‌لریدن بیری آت‌لری فاش ایتیلیشی نی ایستمه‌ی رویترز گه ایتیشیچه، مذکور گروه نینگ برچه ییریک رهبرلری کابل گه کیرگن.
طالبان ایکی کون آلدین کیلگوسی ایکی کون گچه ینگی حکومت اعلام ایتیلیشیدن خبر بیرگن ایدی. عین حالده، قطار گزارشلر اساسیده بوگون توشدن کیین طالبان ینگی حکومت‌لرینی اعلام قیلیشی ممکن.
