بیرلشگن ملتلر تشکیلاتی ده ایران نماینده‌سی مجید تخت‌روانچی، اوتگن کون نیویارک ده یولگه قوییلگن مذکور تشکیلات ییغینیده ایتیشیچه، طالبان بیرگن سوزلریگه عمل قیلگن صورتده، ایران دولتی بو گروه نی رسمیت گه تانیدی.
بیرلشگن ملتلر تشکیلاتی ده ایران نماینده‌سی نینگ ایتیشیچه، طالبان عمل قیله‌دیگن شرط‌لر: ایرکین و عدالت‌لی بیر سیلاو آرقه‌لی اهالی نینگ آوازی بیلن تشکیل ایتیلگن دولت، عیاللرنینگ کاندیدا و آواز بیرووچی صفتیده مشارکتی و قومی، مذهبی و تیل اقلیت‌لری نینگ حقوقی رعایت ایتیلیشی دیر.
جناب تخت‌روانچی پنجشیر ده طالبان هجومی نی قاره‌لب و ایتیشیچه، افغانستان ده زور بیلن قدرت ایریشگن هر بیر دولت رسمیت گه تانیلمه‌یشی ممکن.
بیزلرنینگ فیسبوک صحیفه‌میزگه باش اورینگ!
او طالبان بیلن بولگن مذاکره نینگ کیینگی دوری دن میزبانلیک قیلیش گه تیارگرلیک بیلدیریب ایتیشیچه، ایران بندرلر، هوا قونالغه و چیگره بندرلری آرقه‌لی افغانستان اهالیسی گه انسان دوستلیک یاردم ییتیشتیریشی ممکن.
تخت روانچی نینگ کوپه‌یتیریشیچه، تهران افغانستان قوشنی مملکت‌لری نینگ تشقی ایشلر وزیرلری نینگ کیینگی ییغینیدن میزبانلیک قیلیش گه تیار دیر، بیراق بو ییغین یولگه قوییلیشی نی تاریخی اعلام ایتیلمه‌گن.
ایتیش کیره‌ک که طالبان وقتینچه‌لیک دولتی تشکیل ایتیلیشی بیلن افغانستان قوشنی مملکت‌لری نینگ تشقی ایشلر وزیرلری نی بیرینچی ییغنی مجازی شکلده پاکستان میزبانلیگی بیلن یولگه قوییلدی. مذکور ییغینده ایران، پاکستان، چین، تاجیکستان، ترکمنستان و اوزبیکستان شرکت قیلگن ایدی.