نماینده‌لر کینگش اعضالریدن قطاری، جمهور رئیس تامانیدن ۱۰۰ تومن گه خوفسیزلیک قوماندان تانیشتیریلگنی خصوصیده عکس‌العمل کورسه‌تیب و جمهوررئیس نینگ اوشبو اقدامی نی افسرلر نینگ ذاتی اصول‌نامه سیگه قرشی دیگنلر.
نماینده‌لر کینگشی نینگ ایچکی امنیت کمیسیون اعضاسی خان‌آغا رضایی‌گه کوره، جمهور رئیس تامانیدن ساتنمنلر امنیه قوماندان صفتیده تنله‌نیشی قانونگه قرشی دیر و مذکور شخصلر وظیفه‌سینی یخشی شکلده عمل گه آشیره آلمه‌یدی.
جناب رضایی گه کوره، اوشبو اقدام عملگه‌آشیریلگن حالده، تومنلر کیین مه کیین سقوط قیلیشی ممکن.
انه شوحالده، نماینده‌لر کینگشی نینگ باشقه بیر اعضاسی اقبال صافی، جمهوررئیس و ملی خوفسیزلیک کینگشی نینگ عملی نی ناقانونی دیب و افسرلر ذاتی قانونی‌گه اساسیده، ساتنمنلر امنیه قوماندان صفتیده وظیفه انجام بیره‌آلمسلیکلرینی بیلدیرگن.
نماینده‌لر کینگش باشلیغی میررحمان رحمانی، جمهور رئیس نینگ اوشبو اقدامی خصوصیده عکس‌العمل کورسه‌تیب، اوروش وضعیت‌لریده جمهور رئیس تامانیدن تنلنگن شخصلر اوروش نی مدیریت قیلیشده قادر بولمه‌گنی نی ایتگن.
نیچه کون آلدین جمهور رئیس ۱۰۰ افسرنی ۱۰۰ تومن نینگ امنیه قوماندانی صفتیده تعیین قیلدی.
جمهورلیک ریاستی، تعیین ایتیلگن افسرلر یوزلرچه نامزد افسرلر آره‌سیدن تنلنگنی اوستیگه اورغوله‌گن.
