سۉنگی آیلر یا که اخیرگی هفتهلرده مملکت گه قیتگن افغانستانلیک مهاجرلر؛ ایشسیزلیک و باشپنهسیزلیکدن نالیماقدهلر. اولردن بیرقطارینینگ ایتیشلریچه، افغانستانده یشش اوچون انیق جایلری یوق و یشش اویلرنینگ اجاره نرخی آشیشی بیلن عایله اعضالری و یقینلرینینگ اویلریده وقتینچهلیک یشش گه مجبور بولگنلر.
نورعلی، ینگیلیکده ایراندن غزنی ولایتی گه قیتگن مهاجرلردن بیری دیر. اونگه کوره، حاضرگه قدر باشپنهسی بولمهی و یقینلریدن بیرینینگ اویده وقتینچهلیک تیریکچیلیک قیلیش گه مجبور بولگن. «بیر آی آلدین ایراندن کېلدیک، حاضرگچه اوی تاپه آلگنیمیز یوق. حاضر ابهمنینگ اوییده تیریکچیلیک قیلیب کېلهیپمیز. شهرچه قوریشلرینی اېتهدیلر؛ بیراق حاضرگچه کېمسه گه جای بیرگنلری یوق و سرگردان میز.»
عباس، ایراندن ینگیلیکده سرپل ولایتی گه قیتگن و اوی اجارهلری یوقاریلیگی طفیلی، حاضرگچه اۉزی و عایلهسی اوچون باشپنه تاپه آلمهگن. اونینگ ایتیشیچه: «اقتصادی احوالیمیز یخشی اېمس و بیکار میز. یشش اوچون جای یوق. هوا ایسیغیده جوده هم قیین. دولتدن تیریکچیلیک اوچون جای بیریشینی اېستهیمیز.
بیزلرنینگ فیسبوک صحیفهمیزگه باش اورینگ!
حورا، اوچ آی اول ایراندن هرات گه قیتگن و اوشبو مدت ایچیده کمبغللیک و ایشسیزلیک باعث دایمی یشش اوی آلالمهگن. اونینگ ایتیشیچه، هر لحظه قولشی ممکن بولگن بیر اویده حیات کیچیریب کېلماقده.
اونگه کوره: «تومن گه کېلدیک، بوزوق بیر جایده یشهماقدهمیز. بیکارمیز. ییگولیک هېچ نرسهمیز یوق. بو ییرده تیریکیچلیک قیلیب بولمهیدی و هر لحظه قولهشی ممکن.»
بوندن آلدین هم اسلام امیرلیگی رسمیلری، مملکت گه قیتگن مهاجرلر اوچون بیر قطار ولایتلرده ۳۵ شهرچه قوریلیشینی اعلام قیلگن اېدیلر.
ایراندن افغانستانلیک مهاجرلرنینگ کېنگ کولمده جبری شکلده چیقریلیشی دوام اېتماقده اېکن، مملکت گه قیتگن مهاجرلر باشپنهسیزلیکدن نالیماقده.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتینینگ مهاجرلر ایشلری بوییچه عالی کمیشنری فیلیپو گراندی، افغانستان مهاجرلرینینگ احوالی و اولرنینگ احتیاجلرینی تېکشیریش اوچون، بوگون (۲۸-سرطان، شنبه، کابل گه کېلیب و مهاجرلر همده قیتگنلر وزیرلیگینینگ مالی و اداری معینی بیلن اوچرهشگن.
مهاجرلر و قیتگنلر وزیرلیگی سۉزلاوچیسی عبدالمطلب حقانی، افغانستانلیک مهاجرلرنینگ احتیاجلرینی تیکشیریش اوچون قۉشمه حل یول قیدیریش مقصدیده بیرلشگن ملتلر تشکیلاتینینگ مهاجرلر ایشلری بوییچه عالی کمیشنری کابل گه سفر قیلگنینی اېتگن.
بیرلشگن ملتلر تشکیلاتینینگ معلوماتلری اساسیده، میلادی ۲۰۲۵-ییلده بیر میلیون ۵۰۰ مینگ کیشی ایران و ۳۰۰ مینگدن آرتیق کیشی پاکستاندن افغانستان گه قیتگن یا که جبری شکلده چیقریلگن.
