هرات ده ایکینچیلردن قطاری‌نینگ ایتیشلریچه، «سلما توغانی» سووینینگ قوییب یوباریلگنی، ایکینچیلیک ییرلری اوچون سوو کم‌لیگی قیین‌چیلیگینی بیراز حل قیلگن.
هرات ده‌گی ایکینچیلردن وزیراحمد‌نینگ ایتیشیچه، سلما توغانی سووینینگ قوییب یوباریلگنی‌دن کیین، ییرلریگه ییترلیچه سوو ییتیشگن. اونینگ کوپه‌یتیریشیچه: «اوتگن ایکی ییل‌ده سوو کم‌لیگی قیین‌چیلیگی بیلن روپهره ایدیک؛ سلما توغانی سووی قوییب یوباریلیشی بیلن بو قیین‌چیلیک حل بولگن؛ زعفران ایکین‌زارلری و باغ‌لریمیز نی سلما توغانی سووی بیلن سووغاره‌میز.»
بیزلرنینگ فیسبوک صحیفه‌میزگه باش اورینگ!
هرات ده‌گی ایکینچیلردن خیرالله‌نینگ ایتیشیچه، ایکین‌زارلری‌نینگ سووغاریلیشی اوچون دایمی سوو گه نیازی بار. «تاک‌لریمیز سوو کم‌لیگی سبب قوریدی؛ قودوق قازماقچین بولدیک، پولیمیز یوق ایدی. میوه بیره‌دیگن و نیچه ییل‌لیک تاک‌لر قوریدی؛ سوو کم‌لیگی قیین‌چیلیگی‌میز بار.»
هرات ده‌گی ایکینچیلردن باشقه بیری ابراهیم‌نینگ ایتیشیچه: «برچه ایکینی‌میز نی ایکدیک؛ سولر آرقه‌لی کیله‌دیگن سوودن هم قوللنه‌میز؛ سلما توغانی سووینی قیته قوییب یوباره‌دیلر. ۱۰ کون سوو بار و قیته نوبت ییتیشگونگه قدر ایکی هفته سوو یوق.»
مذکور ایکینچیلر، سرپرست حکومت‌دن ایکین‌زارلریگه ییترلی سوو ییتیشیشی اوچون، سلما توغانی سووینینگ دایمی شکلده قوییب یوباریلیشینی ایسته‌گنلر.
هریرود-مرغاب دریایی حوزه‌سی عمومی باشلیغی عبدالسلام مستوفی‌آغا‌نینگ ایتیشیچه، سلما توغانی سووینینگ دایمی شکلده قوییب یوباریلیشی ممکن. اونینگ کوپه‌یتیریشیچه: «سلما توغانی سووی ایکینچیلر گه کیره‌کلی. سلما توغانی سووینینگ قوییب یوباریلیشی‌ده، انجمن‌لر مسئوللری اوز آره‌لریده نوبت قیلگنلر و اونینگ اساسیده، سلما توغانی سووینی قوییب یوباره‌دیلر. توغان ده سوو بولگنی‌ده، سوو دایمی شکلده قوییب یوباریله‌دی.»
هرات ایکینچیلیک، سووغاریش و چاروه‌چیلیک باشلیغی پیرمحمد حلیمی‌نینگ ایتیشیچه، اوشبو ولایت ایکین‌زارلری گه سوو ییتیشیشی و سوو کم‌لیگی حلی اوچون، سوو توغان‌لری‌نینگ قوریلیشی خصوصیده سعی‌وحرکت‌نینگ دوامی بار. «سوو کم‌لیگی قیین‌چیلیگی حلی خصوصیده قطره‌ای شکلده سووغاریش‌نی اورگته‌دیگن کورس‌لر اوتکزیلیب و هرات تومن‌لری بویلب یامغیر سوولرینی ییغیش اوچون نیچه سوو توغان‌لری قوریلیشی خصوصیده بیر قطار ایشلرنی انجام بیرگنلر.»
بیزلرنینگ توییترده هم تعقیب قیلینگ!
ایکینچیلیک ایش بیلرمان‌لردن عظیمی‌نینگ ایتیشیچه: «ایکی توغانی‌میز بار که بیرته‌سی سلما توغانی دیر که اوندن سوو آلینگن و باشقه‌سی پشتون توغانی دیر که حاضرگچه فایده‌لنیش گه تاپشیریلمه‌گن. باشقه توغان‌لر جمله‌دن کبگان توغانی، رباط آخوند بولیمی سوو توغانی و باشقه توغان‌لرنی قوره آلگنیمیز صورت‌ده، هرات ده سوو کم‌لیگی قیین‌چیلیگی‌نینگ حل بولیشی ممکن.»
ایکینچیلیک ییرلری سووغاریلیشی اوچون سوو کم‌لیگی، هرات ده ایکینچیلر‌نینگ جدی قیین‌چیلیک‌لریدن دیر و سلما توغانی سووینینگ قوییب یوباریلیشی، ایکینچیلر قیین‌چیلی حلی خصوصیده یاردم بیره آله‌دی.
