تخار ولایتی دشت‌قلعه تومنی لایقه قیشلاغی یشاوچیلریدن قطاری نینگ ایتیشلریچه، ایکینچیلیک سوو‌دن فایده‌لنه آلمسلیک قیین‌چیلیک‌لری بیلن روپه‌ره بولگنلر.
مذکور قیشلاق یشاوچیلری گه کوره، محل یشاوچیلریدن قطاری سوو یوقلیگی سبب، اوی‌لری و ییرلری نی ترک قیلیب، باشقه ولایت‌لر و حتی مملکت‌دن تشقی گه کیتگنلر.
دشت‌قلعه تومنی یشاوچیلریدن بیری نورالله نینگ ایتیشیچه: «یشاوچیلردن قطاری، ییرلری، سیگیرلری و قوی‌لری نی ساتیب و باشقه ییرلری گه کیتیش گه مجبور بولگن.»
شونینگدیک اوشبو تومن یشاوچیلریدن باشقه بیری اسد‌الله نینگ ایتیشیچه: «مینگ‌لرچه جریب للمی ییر بار، کانال سووی او ییرگچه انتقال تاپگنی بیرحالده، ییرلری گه سوو ییتیشیب و حاصل‌لر کوپه‌یه‌دی. شونینگدیک ییگیت‌لر گه ایش زمینه‌سی یره‌تیله‌دی. کوکچه دریاسی‌ده سوو کوپ، لیکن سوو انتقال بیریش امکانیتی گه ایگه ایمس.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، دشت قلعه تومنی یشاوچیلریدن حامد قرلق نینگ ایتیشیچه، هر ییلی کوکلم موسومی ییتیب کیلیشی بیلن، مذکور تومن یشاوچیلری عمومی حشر یولگه قوییب، بو کانال نی بیل بیلن قازه‌دیلر که ینه هم، دشت‌قلعه تومنی نینگ قیشلاق‌لریدن کوپ قطاری گه سوو ییتیشمه‌یدی.
اونگه کوره، یشاوچیلر اوشبو کانال نینگ دستگاه بیلن قازیلیشی و کینگه‌یتیریلیشی نی ایسته‌گن. «غازتیپه، نوآباد، بایدنگک، دشت لایقه کبی اوزاق منطقه‌لر گه سوو ییتیشتیریش اوچون بو قازیلیشلر ییترلی ایمس. ایسیق موسوم‌ده سوو خصوصیده نیاز کوپه‌یه‌دی که انه شوو سبب، کانال نینگ ماشین‌لر بیلن قازیلیشی کیره‌ک.»
عین حالده، دشت قلعه تومنی عمومی کانال سربندی مسئوللری نینگ ایتیشلریچه، مذکور کانال بو تومن یشاوچیلریدن برچه‌سی نینگ سوو خصوصیده‌گی نیازلری نی حل قیلیش امکانیتی گه ایگه ایمس دیر.
اولر اوشبو کانال نی یشاوچیلر اوچون حیاتی دیب کوپه‌یتیریشلریچه، سرپرست حکومت بو کانال نی کینگه‌یتیرگنی صورت‌ده، دشت‌قلعه و خواجه بهاءالدین تومن‌لریده مینگ‌لرچه هکتار ییر نینگ سووغاریلیشی و یشاوچیلری نینگ ایکینچیلیک سوو کم‌لیگی و یوقلیگی بیلن روپه‌ره بولمسلیگی ممکن.
بیزلرنینگ فیسبوک صحیفه‌میزگه باش اورینگ!
دشت قلعه عمومی کانال سربندی مسئولی نصیراحمد نینگ ایتیشیچه: «سرپرست حکومت توجه قیلگنی صورت‌ده و نهر نینگ ایکی تامانیدن سرک کیلگنی‌ده، کانال کینگه‌یب و شونینگدیک سوو نینگ کیلیشی برابریده توسیق بولگن گولایی‌لر هم راست بوله‌دی.»
عین حالده، دریای پنج پایین حوزه ریاستی مسئوللری، یقین کیله‌جک‌ده دشت‌قلعه تومنی کانالی نینگ کینگه‌یتیریلیشی‌دن خبر بیریب ایتیشلریچه، حاضر ایسه دشت‌قلعه تومنی کانالی اون‌مینگ‌دن آرتیق هکتار ییر نی سووغاره‌دی و بو کانال نینگ سوو منبع‌سی کوکچه دریاسی دیر.
دریای پنج پایین حوزه باشلیغی عبدالواحد نینگ ایتیشیچه: «دشت‌قلعه تومنی گه سوو و برق وزیری کیلگن ایدی و یشاوچیلر پیشنهادی نی وزیرلیک رهبری بیلن شریک قیلدیک و شونینگدیک مذکور پروژه پروپوزلی هم تیارلنیب و سوو و برق وزیرلیگی بیلن شریک قیلینگن که ان‌شاءالله بیر قطار برنامه‌لر بار.»
ایتیش کیره‌ک که، دشت‌قلعه تخار نینگ شمالی‌ده جایلشگن تومن‌لردن بولیب و اوشبو تومن یشاوچیلریدن ۹۰ فایزی ایکینچیلیک بیلن شغللنگن دیر.
