هرات ده بالهسیزلیکدن اذیت چیکه‌دیگن توغمس عیاللردن قطاری نینگ ایتیشلریچه، اوشبو ولایت‌ده توغمسلیکنی دوالش نینگ قیمتلیگی اوچون، ییل‌لردن بیری باله صاحبی بولیش امیدی بیلن حیات کیچیره‌دیلر. اولر سرپرست حکومت‌دن بو بولیم‌ده ساغلیق مرکزلر ایجاد بولیشی بیلن اولر نینگ مذکور قیین‌چیلیگی حل بولیشینی ایستهگنلر.
۳۲ یاشر کریمه نینگ سلام‌وطندار گه ایتیشیچه، ییل‌لردن بیری بالهسیزلیکدن اذیت چیکه‌دی؛ بیراق دوالش گه کوچی ییتیشمه‌یدی. اونینگ کوپهیتیریشیچه: «توی قیلگنیمدن ۱۶-۱۷ ییل بولگن؛ لیکن حاضرگچه بچه‌م بولمه‌گن. دولتی کسل‌خانه‌لر گه باردیم، قیغو بیلن هیچ بیر نرسه‌دن فایده‌لنه آلمس ایکنلر، دارولری یوق ایکن؛ کیین شخصی شفاکارلر یانیگه باردیم. دوالنیش آستیده‌‌مین؛ ینه هم دواله دیه‌دیلر. حاضر اقتصادی وضعیتی‌میز کوپ ضعیف دیر. بوندن کوپراق دوالنیش پروسه‌سی نی دوام بیره آلمه‌یمیز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، هرات یشاوچیلریدن باشقه بیری و توغمسلیک قیین‌چیلیگی‌دن اذیت چیکه‌دیگن ثریا نینگ ایتیشیچه، نیچه مرته شفاکار گه بارگنی بیلن؛ بیراق دوالش اوچون باشقه امکانیتی یوق.
اونینگ کوپهیتیریشیچه: «توی قیلگنیمدن اوچ ییل بولدی؛ لیکن حاضرگچه باله‌م یوق. بیر مرته پاکستان باردیک، قیته کیل دیدیلر؛ قچان بوله‌دی که هر مرته دوالنیش اوچون پاکستان بارسم. نیچه مرته شهر ایچی‌ده شخصی کسل‌خانه‌لر گه باردیم؛ بیراق اولر هم کسل کورگنلری پیتده، قنچه آزمایش بولسه آلینگلر دیه‌دیلر. بو شرایط‌‌ده مونچه پول بیریش گه کیم نی کوچی ییتیشه‌دی.»
عین حالده، هرات توغروقخانه‌سیده‌گی شفاکارلردن عاطفه امینی نینگ ایتیشیچه، اوشبو توغروقخانه گه مراجعت قیله‌دیگنلردن کوپینچه‌سی توغمس عیاللر دیر؛ لیکن بو مرکزده دوالنیش امکانیتی بولمه‌گنی سبب اولرنی آلالمه‌یدیلر.
بانو امینی نینگ کوپهیتیریشیچه: «قیغو بیلن کسللرنی ریفر قیلیش گه اصلا اقتصادی وضعیتی‌میز یخشی ایمس، اصلا ریفر بیریش سیستمی‌میز یوق؛ یا که شخصی‌لر گه ریفر بیرگنی‌میزده قیغو بیلن قان گه سی‌بی‌سی یا-ده ساده معاینه اوچون قریب ۱۵۰-۲۰۰ افغانی‌لری یوق. اولر باله‌سیزلیک اوچون قییرگه بارسه‌لر، کوپینچه خره‌جتلی معاینه‌لر بیره‌دیلر که قیغو بیلن یوق.»
باشقه بیر تاماندن، هرات ساغلیق‌نی سقلش ریاستی اورین‌باسری غلام‌محمد حنیفی نینگ ایتیشیچه، مذکور ولایت یشاوچیلری نینگ بو قیین‌چیلیگی نی حل قیلیش اوچون بیر قطار برنامه‌لرنی قولگه آلگنلر.
بیزلرنینگ «ایکس» ترماغی ده هم تعقیب قیلینگ!
حنیفی نینگ کوپهیتیریشیچه: «ساغلیق‌نی سقلش وزیرلیگی نینگ اولویت‌لری بیللی دیر. ساغلیق‌نی سقلش وزیرلیگی پالیسی‌لریده توغمسلیک قیین‌چیلیگی بیرینچی اولویت گه ایمس. باش‌ده باشقه مورد‌لر بار که آنه و باله ساغلیگی بولیمی‌ده بیزلر اوچون حیات نی تضمین قیلووچیسی دیر. بو بولیم ده بیر قطار سعی‌وحرکتلر بولگن؛ لیکن ساغلیق بولیمی نینگ عقامت بولیمی‌ده اقداملر نی قولگه المه‌گنی معناسیگه ایمس.»
ایتیش کیره‌ک که، توغمسلیک قیین‌چیلیگی یالغیز هرات عیاللری گه خلاصه بولمه‌یدی؛ بیراق حاضرگه قدر مملکت‌ده توغمسلیکنی دوالش نینگ مرکزی ایجاد بولمه‌گن که بو مالی امکانیتی بولگن یشاوچیلر نینگ دوالش اوچون ساغلیق مرکزلر یا-ده مملکت‌دن تشقی‌گه باریش گه سبب بولگن.
