سلام‌وطندار اختیاری گه قرار تاپگن ویدیو گه کوره، هرات ده «نگارخانه بهزاد و استاد حبیبی هنری نمایشگاه و عالی درگاه» مسئوللری، اوشبو نگارخانه سه‌شنبه کونی، ۱۴ سنبله، مذکور ولایت نینگ امر باالمعروف و نهی عن‌المنکر ریاستی محتسب‌لری تامانیدن یاپیلگنینی ادعا قیلگنلر.
نگارخانه بهزاد مدیری محمدابراهیم حبیبی نینگ ایتیشیچه، ایکی کیچیک قیز گه خطاط‌لیک اورگه‌تیش سبب هرات امر باالمعروف و نهی عن‌المنکر ریاستی محتسب‌لری اوشبو نگارخانه نی یاپگنلر.
بیزلرنینگ فیسبوک صحیفه‌میزگه باش اورینگ!
حبیبی جنابلری نینگ کوپه‌یتیریشیچه: «افغانستان نینگ اینگ بویوک هنری مرکزی بوگون افغانستان اسلام امیرلیگی کوچلری تامانیدن ایکی کیچیک قیز گه خطاط‌لیک اورگه‌تیش سبب یاپیلدی.»
نگارخانه بهزاد اوقیتووچیلریدن طارق حبیبی گه کوره، مذکور نگارخانه هرات امرباالمعروف و نهی عن‌المنکر ریاستی محتسب‌لری تامانیدن یاپیلگن.
هرات امرباالمعروف و نهی عن‌المنکر ریاستی مسئوللری اوشبو ادعالرنی رد قیلیب ایتیشلریچه، مذکور ریاست محتسب‌لری اوتگن کونی هیچ بیر اوقوو مرکزنی یاپمه‌گنلر.
هرات امرباالمعروف و نهی عن‌المنکر باشلیغی عزیزالرحمان المهاجری نینگ سلام‌وطندار گه ایتیشیچه، او بیلن مصلحت قیلمسدن، هیچ کیم نینگ هیچ بیر مکان نی یاپیش گه حقی یوق دیر.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «عالی اوقوو مرکزی یاپیلیشیدن خبریمیز یوق و می‌نینگ مصلحتیم بیلن بو کبی مرکزلر یاپیله‌دی. منکرات تامان حرکت گه بولگن تعلیمی مرکزلر نی بیرینچی دن دعوت قیله‌میز و اصلاح بولمه‌گن حالده، باشقه قرار آله‌میز.»
نگارخانه بهزاد، ایچکی و تشقری ده فرهنگی و هنری نیچه ییل‌لیک سابقه‌سی بولیشی بیلن، هرات شهری ده طراح‌لیک و نقاش‌لیک نی اورگه‌تیش اکادمیک ایشانچلی مکان‌لردن سنله‌دی.
