هرات محلی مسئوللری گه کوره، اوشبو ولایت ده زلزله طفیلی زیان کورگنلر گه ۴۰۰ میلیون افغانی‌لیک ۷۳۰ یشش اوی نینگ قوریش ایشی باشلنگن.
هرات معلومات و مدنیت باشلیغی و زلزله طفیلی زیان کورگنلر گه ایریشیش کمیسیون سوزلاوچیسی احمدالله متقی نینگ ایتیشیچه، مذکور ولایت نینگ رباط سنگی تومنی اوچ قیشلاغیده زلزله باعث زیان کورگنلر گه ۷۳۰ یشش اوی نینگ قوریش ایشی باشلنگن و بو اوی‌لر ۴۵ کون ایچیده قوریلیب و فایده‌لنیشگه تاپشیریلیشی ممکن.
بیزلرنینگ «ایکس» ترماغی ده هم تعقیب قیلینگ!
متقی جنابلری گه کوره، مذکور یشش اوی‌لر نینگ قوریش خره‌جتی ۴۰۰ میلیون افغانی بولیب و اسلام امیرلیگی تامانیدن توللـه‌نیله‌دی.
شهرلر و قیشلاق‌لرنی رواجلنتیریش و قیته قوریش وزیرلیگی نینگ معینی شرف‌الدین مسلم نینگ ایتیشیچه، اسلام امیرلیگی زلزله طفیلی زیان کورگنلر گه بیرگن وعده‌سی گه عمل قیله‌دی.
مسلم جنابلری نینگ کوپه‌یتیریشیچه، زلزله یوز بیرگن منطقه‌لرده یشش اوی‌لر قوریلیشیدن کیین، یریم بوزیلگن اوی‌لر نینگ قیته قوریش ایشلرینی باشله‌یدیلر.
بیزلرنینگ فیسبوک صحیفه‌میزگه باش اورینگ!
هرات ده زلزله یوز بیرگن ۴۰ قیشلاق ده یشش اوی‌لر نینگ قوریش ایشی دوام ایتماقده و هر بیر اوی تخمیناً، ۱۸۰ مینگ افغانی خره‌جت کوتاره‌دی.
اوتگن هفته هرات نینگ زنده‌جان تومنی ده ۶۵۰ یشش اوی نینگ قوریش ایشی باشلنگن بیر حالده، مذکور ولایت نینگ رباط سنگی تومنی نینگ اوچ قیشلاغیده ۷۳۰ یشش اوی نینگ قوریش ایشی باشلنگن.