هرات ده حادثه‌لر گه قرشی کوره‌ش ریاستی مسئوللری نینگ ایتیشلریچه، بوگون (یکشنبه، ۲۳-میزان)، اوشبو ولایت‌ده یوز بیرگن زلزله نتیجه‌سیده، ایکی کیشی اولیب و ۱۷۰ کیشی یره‌لنگن.
اوشبو ریاست نینگ مالی و اداری مدیری عبدالسلام بارکزی نینگ ایتیشیچه، ۲۰ دقیقه جریانیده هرات ولایتی انجیل تومنی نینگ «کاریزنو» و «درویش علی‌خان» قیشلاغلریده ایکی زلزله یوز بیرگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، هرات حوزه‌وی کسل‌خانه‌سی مسئوللری نینگ ایتیشلریچه، زلزله عاقبتیده یره‌لنگنلر نینگ درمان‌لنیشی اوچون، اوشبو کسل‌خانه‌ده خذمت‌لر عرضه قیلیش پروسه‌سی نینگ دوامی بار.
باشقه بیر تامان‌دن هرات ده زلزله عاقبتیده زیان کورگنلردن قطاری، حکومتی مسئوللر و یاردم بیرووچی تشکیلات‌لردن، عاجل یاردم ایسته‌گنلر.
امریکا زلزله‌نی انیقلش مرکزی نینگ معلوماتی اساسیده، بوگون ایرتنگ چاغی هرات ده بیر ساعت جریانیده ایکی کوچلی زلزله یوز بیرگن که، ۶.۳ درجه ریشترلیک بیرینچی زلزله نینگ چقورلیگی ۸.۲ کیلومتر شمال ده و ۵.۵ درجه ریشترلیک ایکینچی زلزله نینگ چقورلیگی ایسه ۱۲ کیلومتر هرات نینگ شمال‌غربی‌ده ایکن.
بیزلرنینگ فیسبوک صحیفه‌میزگه باش اورینگ!
ایتیلیشیچه، مذکور زلزله‌لر فراه و بادغیس ولایت‌لری ده هم سیزیلگن.
حادثه‌لر گه قرشی کوره‌ش ریاستی مسئوللری گه کوره، اوتگن توقیز کون جریانیده، گلران، رباط‌سنگی، کهسان، زنده‌جان و انجیل تومنی نینگ بیر قطار بولیم‌لریده قریب ۴۰۰ قیشلاق، زلزله عاقبتیده ویران بولگن. گزارش‌لر اساسیده، عایله‌لردن کوپینچه‌سی زلزله‌لر طفیلی اوی‌لری نی ترک قیلیب و اوشبو ولایت‌ده خیمه‌لر آستیده حیات کیچیرماقده‌لر.
