بوگون (دوشنبه، ۲-اسد)، هرات ده معلومات و مدنیت وزیرلیگی نینگ یاش‌لر معینی آرقه‌لی ۲۳ مینگ دالر خره‌جت بیلن، آنلاین آزاد ایش مرکزی (فریلانسنگ)، آچیلگن. اوشبو مرکز ده یاش‌لر، جهانی آنلاین ایش‌لری قنده‌ی‌لیگینی اورگه‌نیش‌لری کوتیله‌دی.
معلومات و مدنیت وزیرلیگی نینگ یاش‌لر معینی محمد‌یونس راشد نینگ ایتیشیچه، اوشبو مرکز نینگ یولگه قوییلگنی‌دن مقصد، افغانستان ده ییگیتلر گه ایش فرصت‌لری نی یره‌تیش دیر.
اونینگ کوپه‌یتیریشیچه: «مذکور برنامه نینگ یولگه قویگنی‌میزدن مقصد، مملکتی‌میزده‌گی ییگیتلر اینیقسه، تحصیل قیلگن و ایشلش گه کوچی ییتیشه‌دیگن ییگیتلر گه آنلاین یولی آرقه‌لی ایش تاپیش دیر.»
بیزلرنینگ فیسبوک صحیفه‌میزگه باش اورینگ!
راشد گه کوره، ییگیتلر آنلاین آزاد ایش برنامه‌سی آرقه‌لی، خلق‌ارا پروژه‌لر نی انجام بیریش و مذکور یول آرقه‌لی یخشی درآمد قولگه کیلتیریشلری ممکن.
عین حالدده، هرات معلومات و مدنیت ریاستی مسئوللری نینگ ایتیشلریچه، آنلاین ایش تاپیش برنامه‌سی، ییگیتلر گه یخشی و فایده‌لی بوله‌دی.
هرات معلومات و مدنیت رئیسی نعیم‌الحق حقانی نینگ ایتیشیچه: «ییگیتلر اوزلری گه بازار تاپیش‌لری، بیرینچی‌ده تعلیم کوریب و کیله‌جک‌ده اوزلری گه ایش تاپسیشلری خصوصیده کیره‌کلی سعی و حرکت‌لر صورت تاپگن.»
مذکور آنلاین آزاد ایش برنامه‌سی گه ثبت نام قیلگن ییگیت‌لردن قطاری، خورسندلیک بیلدیریب ایتیشلریچه، بو یول آرقه‌لی مملکت‌ده ییگیتلر آره‌سیده ایش‌سیزلیک میزانی کمه‌یشی ممکن.
بیزلرنینگ توییترده هم تعقیب قیلینگ!
آنلاین آزاد ایش برنامه‌سی گه شرکت قیلگنلردن بیری شیراحمد احمدیار نینگ ایتیشیچه، مذکور برنامه هرات ییگیت‌لری اوچون بیر امید دیر. «اوشبو ایش آٰقه‌لی هرات ده ایش‌سیزلیک گرافی نینگ کمه‌یشی و ییگیتلر نینگ ایشلی بولیشی نی امید قیله‌میز که بو رقم اقتصادی قیین‌چیلیک‌لر بو یول آٰقه‌لی حل بولسین.»
اوشبو برنامه‌ده شرکت قیلگنلردن باشقه بیری بسم‌الله نوری نینگ ایتیشیچه، بو کبی برنامه‌لر نینگ دوام تاپیشی بیلن: «بیزلر گه رهنمایی قیلگن‌لری گه قره‌گنده کوپ فایده‌لی بولیشی ممکن. بو پروسه نینگ دوام تاپگنی صورت‌ده، ایش خصوصیده کوپ فایده‌لی بوله‌دی و ایش‌سیزلیک کمه‌یه‌دی و ییگیتلر نینگ بو برنامه خصوصیده علاقه‌لری کوپه‌یه‌دی.»
افغانستان نینگ حاضرگی وضعیتی‌ده ییگیتلر اینیقسه تحصیل قیلگن ییگیتلر آره‌سیده ایش‌سیزلیک گرافی کوپه‌یگنی بیرحالده، آنلاین آزاد ایش مرکزی آچیلگن.
