هرات حوزه‌وی کسلخانه‌سی مسئوللری نینگ ایتیشلریچه، تورت آی دن بویان اوشبو کسلخانه گه طبی یاردم‌لر کیسیلیشی طفیلی ۱۰۰ فایز دارو، مصرفی ماده و باشقه طبی جهازلر آزلیگی بیلن روپه‌ره بولگنلر. اولر گه کوره، تورت آی آلدین خلق‌ارا قیزیل خاچ کمیته‌سی (ICRC) تامانیدن یاردم بیریلگن دارولرنی کسل‌لر گه توزیع قیلماقده‌لر.
هرات حوزه‌وی کسلخانه‌سی باش شفاکاری محمدعارف جلالی نینگ ایتیشیچه، اقتصادی قیینچیلیک باعث هر کونی دولت کسلخانه‌لری اینیقسه اوشبو کسلخانه گه مراجعتچیلر سانی آشماقده، مذکور کسلخاه ده دارو آزلیگی اولرنی جدی قیینچیلیک بیلن روپه‌ره قیلگن.
او نینگ کوپه‌یتیریشیچه: «تورت آی دن بویان دارو یاردم‌لری کیسیلگن و همکار مؤسسه‌لر تامانیدن یاردم کورسه‌تیلگن دارولرنی کسل‌لر گه توزیع قیلماقده‌میز؛ بیراق ۱۰ قلم دارو دن یالغیز بیر یا که ایکی قلم دارو میز بار.»
بیزلرنینگ فیسبوک صحیفه‌میزگه باش اورینگ!
جلالی گه کوره، هر ییلی هرات حوزه‌وی کسلخانه‌سی عاجل بولیمی اوچون نیاز بولگن دارولرنی رویخط قیلیب مرکز گه یوباره‌دیلر.
هرات حوزه‌وی کسلخانه‌سیده‌گی شفاکارلردن بیرقطاری نینگ ایتیشلریچه، مذکور کسلخانه ده دارو و باشقه طبی جهازلر آزلیگی سبب، کسل‌لرنی دوالش پیتیده قیینچیلیک بیلن روپه‌ره بوله‌دیلر.
هرات حوزه‌وی کسلخانه‌سی عاجل بولیمی مسئولی فرهاد افضلی گه کوره، اوشبو کسلخانه ده دارو آزلیگی سبب، مراجعت قیله‌دیگنلر دارولرینی تشقری دن ساتیب آله‌دیلر.
او نینگ کوپه‌یتیریشیچه: «سابق دن کسلخانه ده بولگن دارولرنی عاجل یا که پایوازی بولمه‌گن کسل‌لر گه بیره‌میز. ساغلیق‌نی سقلش وزیرلیگی نینگ مکتوبی اساسیده، عاجل کسل‌لر گه دارو توزیع قیلیش گه تیارگرلیک کورگن‌میز.»
باشقه تاماندن، هرات ساغلیق‌نی سقلش ریاستی مسئوللری نینگ ایتیشلریچه، بوندن آلدین هرات حوزه‌وی کسلخانه‌سی گه خلق‌ارا قیزیل خاچ کمیته‌سی تامانیدن دارو و طبی جهازلر یاردم کورسه‌تیلر ایکن؛ بیراق سونگی آی‌لرده قرارداد یکونی باعث یاردم‌لر توخته‌گن.
هرات ساغلیق‌نی سقلش ریاستی اورین باسری محمدآصف کبیر گه کوره: «میلادی اوشبو ییل نینگ آگست آی آخری ده خلق‌ارا قیزیل خاچ کمیته‌سی، بوندن کیین هرات حوزه‌وی کسلخانه‌سی گه دارو و باشقه طبی جهاز یاردم بیره آلمسلیگینی معلوم قیلدی.»
بیزلرنینگ توییترده هم تعقیب قیلینگ!
برچه‌سی بیلن، هرات حوزه‌وی کسلخانه‌سی شفاکارلریدن بیرقطاری، اوشبو کسلخانه ده دارو و طبی امکانیت یوق‌لیگیدن خواطر بیلدیرماقده‌لر.
هرات حوزه‌وی کسلخانه‌سیده کسل دارلردن بسم‌الله نینگ ایتیشیچه: «کسلخانه ده بیز گه دارو بیرمه‌دیلر و دارو نی تشقری دن ساتیب آله‌میز.»
اوشبو کسلخانه ده کسل دارلردن باشقه بیری عبدالله نینگ ایتیشیچه: «کسلخانه گه مراجعت قیلگن کمبغل کیشی‌لر گه دارو بیریش‌لرینی ایسته‌یمیز؛ چونکه اولر اقتصادی قیینچیلیک باعث دارو ساتیب آلالمه‌یدیلر.»
ایتیش کیره‌ک که، اوتگن ییل‌لرده هرات حوزه‌وی کسلخانه‌سی گه خلق‌ارا قیزیل خاچ کمیته‌سی تامانیدن ۲۲۰ قلم دارو، مصرفی ماده یاردم بیریلر ایدی، لیکن تورت آی دن بویان اوشبو یاردم‌لر توخته‌تیلگن.
