کابل ده پاکستان ایلچیسی عبیدالرحمان نظامانی، کابل ده اوشبو مملکت ایلچیخانهسی گه هجوم بولگنیدن کیین اسلام‌آباد گه کیتیب پاکستان تشقی ایشلری بوییچه دولت وزیری حنا ربانی کهر بیلن اوچره‌شگن.
حنا ربانی کهر پنج‌شنبه کیچه ۱۷-قوس تویتر صحیفه‌سیده یازگن که: «پاکستان مردانه‌وار و صدق‌دل‌دن مملکتی گه خذمت قیله‌دیگن بو رقم دیپلمات‌لر گه ایگه بولگنی اوچون فخر قیله‌دی.»
بیزلرنینگ فیسبوک صحیفه‌میزگه باش اورینگ!
پاکستان تشقی ایشلری بوییچه دولت وزیری تاکید قیلگن که، بو مملکت نینگ اولویتی دیپلمات‌لری نینگ امنیتی دیر.
کابل ده پاکستان ایلچیسی جمعه کون ۱۱-قوس توش‌دن کیین، ایلچی‌خانه یقیلن‌لیگی‌ده‌گی بنا‌دن اوققه توتیلیش گه قرار تاپدی که، مذکور هجوم‌ده اونگه هیچ زیان ییتیشمه‌ی؛ بیراق قوریق‌چیسی یره‌لندی.
Was a pleasure to see @ubaidniz our HOM Kabul. Pakistan is proud to have diplomats that serve the country so bravely and so diligently. Their safety & security will remain a priority. #PakArmy soldier Israr Mohammad is MA recovering well.
@ForeignOfficePk pic.twitter.com/9fJCAeXgHf— Hina Rabbani Khar (@HinaRKhar) December 8, 2022
پاکستان مذکور قوریق‌چیسی نی اوچاق آرقه‌لی کابل‌دن اسلام‌آباد گه انتقال بیرگن. حنا ربانی مذکور قوریق‌چی نینگ اسمی نی «اسرارمحمد» اعلام قیلیب و ایتگن که، وضعیتی یخشی دیر.
بیزلرنینگ توییترده هم تعقیب قیلینگ!
کابل ده پاکستان ایلچیخانهسی گه اویوشتیریلگن هجوم مسئولیتی نی داعش گروهی بوینیگه آلدی. مذکور گروه بیر بیانیه ترقه‌تیش بیلن ایتگن که، کابل ده پاکستان ایلچیخانهسی گه اویوشتیریلگن هجوم، اولر نینگ ایشی ایکن و کوپه‌یتیرگن که، ایلچی و قوروق‌چیسی گه هجوم قیلگنلر.
اسلام امیر‌لیگی اعلام قیلگن که، کابل ده پاکستان ایلچیخانهسی گه اوق آتگن کیشی نی قولگه آلگنلر. حکومت گه کوره، قولگه آلینگن کیشی تشقی مملکت یشاوچیسی و داعش گروهی نینگ عضوی دیر.
