کابل ده تورت عیال اوزلری و تعلیم‌دن محروم قالگن قیزلر گه ایش زمینه‌سی یره‌تیلیشی مقصد، «رویای زن» آتی‌ده عیاللر گه مخصوص بیر کافه و کتاب‌خانه آچگنلر.
رویا زن کافه مسئولی زهرا رشیدی نینگ ایتیشیچه، بو کافه نی آچیش ایکی آی زمان و ۱۰ مینگ افغانی خره‌جت کوتارگن. اونینگ کوپه‌یتیریشیچه: «مکتب گه باره آلمه‌گن ۱۰ قیز گه ایش زمینه‌سی نی یره‌تدیک؛ زمان اوتیشی بیلن ایشیمیز نینگ کینگه‌یتیریش گه سعی‌وحرکت قیله‌میز؛ ایشیمیزنی ۱۰ مینگ افغانی بیلن باشله‌دیک.»
بیزلرنینگ فیسبوک صحیفه‌میزگه باش اورینگ!
رشیدی نینگ کوپه‌یتیریشیچه، اقتصادی قیینچیلیک و بو کافه وسیله‌لری نی تامین‌لش اوچون ۱۵ مینگ افغانی قرض آلیش گه هم مجبور بولگنلر.
اوشبو کافه مسئوللریدن باشقه بیری مریم صدیقی نینگ ایتیشیچه، اولر تورلی بولیم‌لرده ۸۰۰ جلد کتاب نی بو کافه نینگ کتابخانه‌‌سی گه قویگنلر.
اونینگ کوپه‌یتیریشیچه: «کیینگی مقصدیمیز شو که عیاللر اوچون بویوک‌راق بیر ییر آچسه‌ک؛ بیراق اقتصادی قیینچیلیک بیلن روپه‌ره‌میز؛ بیزلر بو یول آرقه‌لی مذکور کافه ایشلاوچیلری گه معاش بیریشیمیز کیره‌ک؛ کیله‌جک‌ده بو ایشیمیز نینگ رواجلنیشی نی کوتیب تورگن‌میز.»
باشقه بیر تاماندن، مذکور کافه گه بارگن عیاللردن قطاری نینگ ایتیشلریچه، عیاللر گه مخصوص ییرلر نینگ کوپه‌یشی و تدبیرکار عیاللر نینگ حمایت بولینیشی کیره‌ک.
بیزلرنینگ «ایکس» ترماغی ده هم تعقیب قیلینگ!
کابل یشاوچیسی و بو کافه گه بارگن ثنا نینگ ایتیشیچه، عیاللر گه مخصوص کافه‌لر و ییرلر نینگ آچیلیشی، اجتماع‌ده عیاللر حضوری اوچون فرصت یره‌تیشی ممکن.
اونینگ کوپه‌یتیریشیچه: «بو ییرگه کیلگن‌میز؛ عیاللر گه مخصوص بیر محیط دیر. حاضر عیاللر گه پارککه باریش اوچون رخصت بیریلمه‌گنی اوچون بو کبی ییرلر بیزلر اوچون کوپ یخشی دیر؛ دوست‌لریمیز بیلن کیلیب و ایشیمیز بولمه‌گنی پیتده، مطالعه قیله آله‌میز.»
جمهوریت توزومی قولشی و عیاللر برابریده یره‌تیلگن چیکلاولردن کیین، عیاللردن کوپ قطاری اقتصادی وضعیتلری یخشی‌لنیشی و اجتماع گه قیته کیریش اوچون کیچیک اقتصادی فعالیت‌لر گه یوز کیلتیریب، اوزلری و باشقه عیاللر گه ایش زمینه‌سی نی یره‌تگنلر.
