هلمند ده‌گی دهقانلردن قطاری‌نینگ ایتیشلریچه، اسلام امیرلیگی آرقه‌لی کوکنار ایکیلیشی تقیق‌لنگنی‌دن کیین، باغ‌دارلیک اینیقسه خرما باغلرینی قوریش‌گه یوز کیلتیرگنلر.
هلمند ده‌گی باغ‌دارلردن دین‌محمد‌نینگ ایتیشیچه، سونگی ییل‌لر خرما باغلرینی قوریش‌گه یوز کیلتیریب و بو میوه‌نی ایکیش بیلن کوکنار گه نسبت یخشی درآمدی بار. اونینگ کوپه‌یتیریشیچه: «خرما باغلرینی قوریش جوده‌یم یخشی دیر؛ بو ییرده خرما باغ‌لری کوپه‌یگنی صورت‌ده، باشقه مملکتلردن خرما کیلتیریلیشی‌گه نیاز قالمه‌یدی؛ خرما اوزون‌مدت‌لی درآمد منبع‌سی دیر که بو درآمد نی کوکنار ایکیش‌دن قولگه کیلتیریلیشی امکان‌سیز.»
بیزلرنینگ «ایکس» ترماغی ده هم تعقیب قیلینگ!
هلمند ده‌گی باغ‌دارلردن باشقه بیری شرف‌الدین‌نینگ ایتیشیچه، خرما باغلرینی قوریش بیلن عایله نیازلریدن بیر بولیمی تامین قیله آلگن. «خرما باغ‌لری کوپ یخشی دیر؛ اهالی خرما دن کوپ فایده‌لنه‌دی و بو بیزلر گه ینگی اقتصادی منبع دیر؛ دولت دهقان‌لرگه کوپراق کوچت ترقه‌تیشی کیره‌ک.»
مذکور باغ‌دارلر هلمند ایکینچیلیک، سووغاریش و چاروه‌چیلیک ریاستی‌دن، بدیل ایکین اینیقسه خرما درختلری ترقه‌تیلیشی توغریسیده اولر بیلن همکارلیک قیلینیشینی ایسته‌گنلر.
افغانستان جنوبی‌ده جایلشگن هلمند، زراعتی ولایت‌لردن بولیب و یشاوچیلریدن کوپینچه‌سی اینیقسه اوزاق منطقه‌لرده‌گی کیشیلر ایکینچیلیک و چاروه‌چیلیک بولیمی‌ده ایشلش‌گه شغللنگن.
هلمند ایکینچیلیک، چاروه‌چیلیک و سووغاریش ریاستی‌نینگ رواجلنتیریش عمومی مدیری محمدنسیم مسلم گه کوره، اونلب خرما کوچتی ساتیب-آلینیب و ایکیلگن. «اوتگن ییل هلمند‌نینگ تورلی منطقه‌لریگه ۱۰ ته خرما باغی‌نی قوریدیک که اوچ ییل‌دن سونگ حاصل بیریشی ممکن. حاضر خرما درختلری وضعیتی یخشی دیر و یخشی نتیجه بیریشینی کوته‌میز.»
بیزلرنینگ فیسبوک صحیفه‌میزگه باش اورینگ!
هلمند ده ایکینچیلیک ایشلری بوییچه بیلرمان عبدالولی وفا‌نینگ ایتیشیچه: «حکومت کوکنار اورنیده بدیل ایکین ترقه‌تیلیشی خصوصیده باغ‌دارلر و ایکینچیلر بیلن همکارلیک قیلیشی کیره‌ک. «اوتگن ییل‌لرده خرما باغلرینی قورگن کیشیلر یخشی فایده قولگه کیلتیرگنلر. خرما نه فقط ایچکی بازار‌ده کوپینچه ساتیب-آلووچی گه ایگه دیر، بلکیم باشقه مملکت‌لر گه صادر بولیشی اوچون یخشی بیر فرصت نی یره‌تیشی ممکن.»
هلمند نینگ هواسی خرما درختلری ایکیلیشی اوچون یخشی بولیب و بو ولایت‌ده تولید بولگن خرما یخشی صفت‌گه ایگه دیر که بیلرمان‌لرنینگ ایشانچی‌گه کوره، بو توغریده توجه قره‌تیلگنی صورت‌ده ایچکی نیازمند‌لیکلرنینگ حل بولیشی ممکن.
