هلمند ساغلیق‌نی سقلش مسئوللری نینگ ایتیشلریچه، ساغلیق‌نی سقلش وزیرلیگی نینگ متخصص‌لریدن بیر گروه، کوز دن کسل‌لر نینگ درمانلش اوچون اوشبو ولایت گه کیلگنلر. توقیز کیشی دن عبارت مذکور گروه اوز فعالیتینی «فاطمه بیات کسلخانه‌سی» دن باشله‌گن و مینگلب کسلنی درمانلش‌لری ممکن.
هلمند ساغلیق‌نی سقلش باشلیغی سیداحمد سعید نینگ سلام‌وطندار گه ایتیشیچه، حاضرگچه مینگلب کوزدن کسل کیشی ثبت نام قیلگن و بیر هفته ایچیده، ایکی مینگ ۱۰۰ کیشی نینگ کوز پرده‌سی آلینیشی ممکن.
اونینگ کوپه‌یتیریشیچه: «حاضرگچه قریب تورت مینگ کیشی ثبت نام قیلگن. هر کونی ۳۰۰ کسل معاینه بوله‌دی، اولردن بیرقطاری نینگ بوییرده درمان بولیشی ممکن‌سیز دیر.»
بیزلرنینگ فیسبوک صحیفه‌میزگه باش اورینگ!
باشقه تاماندن، کوزدن کسل‌لردن بیرقطاری نینگ ایتیشلریچه، ساغلیق‌نی سقلش وزیرلیگی نینگ متخصص گروهی عادی جراح‌لیک و مرکب جراح‌لیکلرنی بجریش‌لری کیره‌ک؛ چونکه اهالی خصوصی کسلخانه‌لرده درمان پولینی توللـه‌ی آلمه‌یدیلر.
کوزدن کسل‌لردن نعمت‌الله گه کوره: «مین نیچه کون آلدین ثبت نام قیلدیم و کوزیمنی درمانلش مقصدیده بو ییرده کیلگن من؛ بیراق مینگه یالغیز دارو بیردیلر. کوزیم نینگ پرده‌سینی آلیشگه قوشیمچه، باشقه عمل‌لر بولیشینی ایسته‌ی من.»
کوزدن کسل‌لردن باشقه بیری سیدآغا نینگ ایتیشیچه: «مین نیچه کون آلدین ثبت نام قیلدیم؛ یالغیز مینگه دارو بیردیلر. کوزیمنی پیوند قیلیش بوزگن.»
عین‌حالده، ساغلیق‌نی سقلش وزیرلیگی نینگ متخصص گروه اعضالریدن عبدالواسع احمدی گه کوره، کوز پرده‌سینی آلیشدن تشقری بیرقطار کیشی‌لر نینگ کوزینی جراح‌لیک قیله‌دیلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «بیز بو ییرده کوزلریمیز نینگ پرده‌سینی آلیش اوچون کیلگن‌میز؛ امکانیتیمیز گه قره‌ب باشقه عمل‌لرنی هم قیله‌میز. ثبت نام قیلگنلردن یوزدن اون فایزی عملیات بولیشی ممکن و دارو بیلن درمان بوله‌دیگنلر گه دارو بیره‌میز.»
هلمند یشاوچیلری اینیقسه مذکور ولایت نینگ اوزاق تومن‌لریده‌گی اهالی، برچه ساحه‌لرده طبی امکانیتدن فایده‌لنه آلمسلیکلریدن شکایت قیله‌دیلر.
