هلمند ایکینچیلیک، سووغاریش و چاروه‌چیلیک ریاستی مسئوللری‌نینگ ایتیشلریچه، اوشبو ولایت‌ده ایکینچیلردن کوپ قطاری‌نینگ باغ‌دارلیککه یوز کیلتیرگنی سبب، مذکور ریاست کوچت ییتیشتیریش سانی‌نی کوپه‌یتیرگن.
هلمند ایکینچیلیک، سووغاریش و چاروه‌چیلیک ریاستی‌نینگ کوچتلر بوییچه دولتی فارم مسئولی زلمی همکار گه کوره، جاری ییل‌ده اوشبو ریاست فارم‌لریده ۲۰۰ مینگ کوچت ییتیشتیریلگن که بو رقم اوتگن ییل ۱۰۰ مینگ کوچت گه ییتیشه‌ر ایکن. اونینگ کوپه‌یتیریشیچه: «بیر ته پسته درختی ۱۰-۱۵ کیلوگرام پسته تولید قیله‌دی که بیر باغ‌دار اوچون قریب ۱۰-۱۵ مینگ افغانی درآمدی بار. بو منطقه‌ده پسته کوچتی‌نینگ یخشی حاصل بیریشی‌نی بیلدیک. ایکی ییل‌دن بیری پسته کوچتلرینی ییتیشتیریب و اهالی‌گه عرضه قیله‌میز.»
شونینگدیک هلمند ده کوچت ساتووچیلردن قطاری‌نینگ ایتیشلریچه، کوچت ساتیب آلیش توغریسیده ایکینچیلر قیزیقیشی کوپه‌یگن.
بیزلرنینگ «ایکس» ترماغی ده هم تعقیب قیلینگ!
هلمند ده کوچت ساتووچیلردن سیدولی سعادت‌نینگ ایتیشیچه، تورلی‌خیل کوچت‌لردن پسته، عناب، مالته و لیمو کوچتلری کوپراق ساتیله‌دی. «هلمند ده کوپینچه کوچت ایکیله‌دی و یخشی نتیجه هم بیره‌دی. حاضر ایسه اهالی‌دن کوپ قطاری پسته و عناب کوچتلرینی ساتیب آله‌دی و باشقه کوچتلر‌نینگ آزراق بازاری بار.»
هلمند ولایتی مرکزی لشکرگاه شهری‌گه کوچت ساتیب آلیش اوچون بارگن اوشبو ولایت سنگین تومنی یشاوچیسی بولمیش بخت‌محمد‌نینگ ایتیشیچه، اوتگن ایکی ییل‌ده باغی‌دن کوپ قطاری‌‌گه پسته کوچتلرینی ایککن. اونینگ کوپه‌یتیریشیچه: «تومنی‌میزده باغ‌دارلردن کوپ قطاری نارنج، عناب، مالته و پسته ایکه‌دیلر که یخشی نتیجه بیره‌دی. اوتگن ییل‌دن بویان اوزیم و باشقه باغ‌دارلر کوپراق پسته کوچتلری‌نینگ ایکیش گه یوز کیلتیرگنلر.»
هلمند یشاوچیلری‌دن باشقه بیری میرحمزه‌نینگ ایتیشیچه، ییل‌ده اونلب کوچت ساتیب آلیب و ایکه‌دی. «اوتگن ییل‌لرده اهالی قدیمی درخت‌لر کوچتلرینی ساتیب آله‌ر ایدی؛ بیراق حاضر ایسه پسته، ناک و عناب کوچتلرینی ساتیب آله‌دیلر که یخشی حاصل بیره‌دی.»
هلمند ده سوو کم‌لیگی، اوشبو ولایت‌ده باغدارلیک و ایکینچیلیک سکتوری برابریده‌گی قیین‌چیلیک‌لر دییله‌دی که بو قیینچیلیک باغ‌دارلر‌نینگ قیزیقیشی و درآمدی‌گه تاثیر قیلیشی ممکن.
بیزلرنینگ فیسبوک صحیفه‌میزگه باش اورینگ!
بولر گه علاوه، هلمند ده ایکینچیلیک ایشلری بوییچه ایش بیلرمان صدام میرنی‌نینگ ایتیشیچه، خرما، زیتون و پسته کوچتلری هلمند ولایتی‌نینگ هوا شرایطی گه ماس بولیب و آزراق سوو گه نیازی بار.
اونینگ کوپه‌یتیریشیچه: «انار، زردآلو، آلمه و اوزوم کبی میوه‌لی درخت‌لر‌نینگ کوپینچه درآمدی بار. باش ییل‌لرده کوپینچه خره‌جت کوتارگنی بیلن، بیراق نهایت باغ‌دارلر اوچون برقرار درآمد منبع‌سی دیر. بو ولایت‌ده هلمند هوا شرایطی‌گه ماس بولگن کوچتلر ساتیب آلینه‌دی.»
بوندن آلدین هلمند ده دهقانلردن قطاری، کیت‌مه-کیت قوروق‌چیلیکلر و باغدارلیک درآمدی کوپلیگی سبب، بو بولیم‌ده ایشلش‌گه یوز کیلتیرگنلر.
