اسلام امیرلیگی یېتکچیسی هبت‌الله آخوندزاده، بوگون (۲۵-جوزا، جمعه) قربان هییت بیرمی مناسبتی بیلن پیامیده، هییت نی مملکت بوتون یشاوچیلری گه قوتلوغ بولسین دیگن.
اسلام امیرلیگی رهبری اوشبو پیامیده، اسلام امیرلیگی بوتون دنیا اینیقسه اسلامی مملکتلر بیلن «شریعت چوکاتی» ده سیاسی و اقتصادی مناسبتی بولیش گه علاقه‌مندلیگینی بیلدیرگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اسلام امیرلیگی بوتون دنیا اینیقسه اسلامی مملکتلر بیلن شریعت چوکاتیده سیاسی و اقتصادی مناسبتی بولیشنی اېسته‌یدی.»
هبت‌الله آخوندزاده هییت مناسبتی بیلن بولگن پیامیده، اسلام امیرلیگی اقتصادی ترقیات و مملکت یشاوچیلری نینگ اقتصادی قیینچیلیک‌لری حلی اوچون بوتون سرمایه یاتقیزووچیلر و سوداگرلردن مملکت گه کېلیب سرمایه یاتقیزیش‌لرینی اېسته‌گن.
اونینگ ایتیشیچه: «اسلام امیرلیگی اولر نینگ امنیتی و برچه نینگ حقوقینی رعایت اېتیش گه متعهد دیر و امارتی برچه اداره‌لر افغانستان نینگ اقتصادی رواجلنیشی و سرمایه یاتقیزیش گه زمینه یره‌تیش اوچون اولر نینگ اېستک‌لرینی انابت گه آلیش‌لری کېره‌ک.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی اوشبو پیامی بیر بولیمیده، اسلام امیرلیگی اېتیم‌لر، بیوه عیاللر و ناگران‌لر نینگ حقوقی و محتاج کیشی‌لر گه یاردم بیریش گه متعهدلیگینی اورغوله‌گن.
شونینگدیک، هبت‌الله آخوندزاده خوفسیزلیک مسئوللر گه هییت کون‌لریده یشاوچیلر نینگ آسایشته‌لیگی و اولر نینگ تینچ‌لیگی و خورسندلیگی اوچون تلاش قیلیب و شهیدلر، ناگران‌لر و اېتیم‌لر نینگ عایله اعضالری احوالینی سۉره‌ب و توان‌لری گه قره‌ب اولر گه یاردم بیریش بویروغینی بیرگن.
