هییت بیرمی‌نینگ ییتیب کیلیشی بیلن، کابل شهری بازارلری‌ده گوجوم‌لیک کوپه‌یب و هییت بیرمی‌نی نشانلش گه تیارگرلیک قیزیقیشی هم یشاوچیلر سیماسی‌ده کوریله‌دی. هییت بیره‌می نی نشانلش‌گه بولگن قیزیقیش‌دن بیری ایسه، تیکووچیلر ایشی رواجلنیشی دیر.
کابل شهری‌نینگ بهارستان منطقه‌سیده‌گی تیکووچیلر، تیکیش ماشین‌لری آرقه‌سیده اولتیریب، سیما‌لری کوپ چرچه‌گن و اویقوسیز کوریلگنی بیلن، بیراق هر بیری قولی‌ده بولگن کییم‌نینگ تیزراق تیکیب و تیارلش اوچون سعی‌وحرکت قیلماقده.
بیزلرنینگ «ایکس» ترماغی ده هم تعقیب قیلینگ!
کابل شهری بهارستان منطقه‌سیده ۲۰ ییل‌دن بویان تیکووچیلیک ایشی بیلن شغللنگن عبدالرحمان‌نینگ ایتیشیچه، رمضان آیی باشلنیشی بیلن باشقه آی‌لر گه قره‌گنده ایشی کوپه‌یگن. «بیر آی آلدین اوشبو قیش موسومی‌ده هیچ ایش یوق ایدی و نیچه آی ایش‌سیز ایدیم. دکانیمیز‌ده بیش-آلتی کیشی بار و هر بیری ۴-۵ جوره کییم تیکیشی کیره‌‌ک. لیکن کوپینچه پیت ایش‌سیز قاله‌دیلر و حاضر ایشلر کوپه‌یگن و هییت‌لرده هر کیم تازه کییم تیکتیره‌دی.»
کابل شهری‌ده‌گی تیکووچیلردن باشقه بیری مدثر‌نینگ ایتیشیچه، تیکووچیلیک دکانی‌ده هر کونی ۶۰-۷۰ جوره کییم تیکه‌دیلر. اونگه کوره: «رمضان آیی‌دن آلدین اونچه ایشیمیز یوق ایدی، چونکه قیش ایدی و اهالی کییم تیکتیریشگه اونچه قیزیقمه‌یدی. حاضر ایشلر یخشی بولگن چونکه کونده ۶۰-۷۰ جوره کییم تیکه‌میز.»
مدثر‌نینگ تیکووچیلیک دکانی‌ده بیر قطار مشتری، هییت اوچون بویورگنلری کییم‌نینگ تیار بولگنی صورت‌ده، اولر‌نینگ آلیش اوچون کوتیب تورگنلر.
مذکور مشتریلردن فردین امینی‌نینگ ایتیشیچه: «هییت بیرمی دیر و برچه کیشی کییم تیکتیره‌دی. مسلمان‌لر اوچون اوشبو هییت بیرملری خوش‌لیک کونلر دیر. مین هم کیلیب بو ییرگه کییم بویردیم.»
بیزلرنینگ فیسبوک صحیفه‌میزگه باش اورینگ!
شونینگدیک مشتریلردن باشقه بیری نجیب‌الله نهیب‌نینگ ایتیشیچه: «هییت بیرمی اهالی‌نینگ ایسکی سنت‌لریدن بیری دیر و هر کیم بو کون اوچون بیران نرسه تیار قیله‌دی و اهالی‌دن هییت بیرمی‌ده یقینداشلرینینگ اویی‌گه باریش‌لرینی ایسته‌یمیز، چونکه حاضر اهالی‌دن کوپ قطاری یقینداشلرینینگ اویی‌گه بارمه‌ی و چکر گه چیقه‌دیلر.»
افغانستان یشاوچیلری، هییت بیرمی‌نی نشانش اوچون ینگی کییم تیارلش‌گه قیزیقه‌دیلر و بو جشن‌نینگ سنتی بولگنی اوچون یشاوچیلر سنتی کییم تیارلش‌گه سعی‌وحرکت قیله‌دیلر که بو ایش، هییت بیرمی عرفه‌سیده تیکووچیلر ایشی‌نینگ رواجلنیشی‌گه سبب بوله‌دی.
