بیر چیککه‌ده درسلرینی آهسته آهسته اوقیب مکتبی نینگ ایشیگی آچیلیشینی کوتماقده؛ اونینگ یقینی گه باریب و سلام بیردیم و آتینی سوره‌دیم؛ چیرایلی تبسمی بیلن سلامم گه جواب قیتردی و «آتیم بهار، آلتینچی صنف اوقووچیسی‌من.» دیدی.
کابل یشاوچیسی بولمیش ۱۲ یاشر بهار، تعلیمی ییل نینگ یکونلنیشی‌دن «امید‌سیزلیک» قیلیب و سرپرست حکومت‌دن قیزلر تعلیمی دوامی گه توسیق‌لیک قیلمسلیگینی سوره‌یدی.
بهار، کوز یاشلرینی ارتیب ایتیشیچه، تعلیمی ییل یکونلنیشی بیلن حاضرگی کونلری قیغولی شکلده اوتماقده و تعلیم گه دوام بیره آلیشی اوچون اینگ بویوک آرزوسی «زمان نینگ توخته‌تیش» دیر.
بهار نینگ کوپه‌یتیریشیچه: «کون اوتیشی بیلن، کوپراق قیغولنه‌من و ییغلهیمن. کوچیم بولسه ایدی زمان نی توخته‌تیدیم؛ چونکه مکتبیم بیلن تعلیمی ییل نینگ یکونلنیشی نی ایستمه‌یمن. اول‌نمره بولگنیم بیلن بیراق ینه بیر ییل‌گچه مکتب باریش اوچون بو ییل هیچ درس اوقیمه‌ی و حتا ناکام قالیش‌گه راضیمن.»
بیزلرنینگ فیسبوک صحیفه‌میزگه باش اورینگ!
بهار گه کوره، مکتب، صنف‌داشلری و اوقیتووچیلرینی سیوگنی اوچون حتا جمعه کونلری هم مکتب باریش گه تیار دیر. بو سوز نی بیان قیلیش بیلن کوزی یاش گه تولیب و ایتیشیچه، ایکی آی‌دن کیین مکتبی نینگ بوش ییرینی قندهی تولدیره آلیشینی بیلمه‌یدی.
اونینگ کوپه‌یتیریشیچه: «هیچ بیر نرسه مکتب ییرینی تولدیره آلمه‌یدی، کون اوتیشی بیلن قیغولریم کوپه‌یه‌دی و اوقیتووچیلریم نی آنه‌م کبی کوره‌من و سیوه‌من. شونینگدیک صنف‌داشلریم نی هم سیوه‌من. هر لحظه مکتب گه رخصت بیریلمسلیگی نی توشینسم، ییغلهیمن، مکتب و دوستلریم‌دن اوزاق بولیشنی ایستمه‌یمن.»
بویوک آرزولری بولگن کیچیک بهار نینگ ایتیشیچه، سرپرست حکومت مکتب باریش گه رخصت بیرگنی صورت‌ده، شفاکار بولیب و اهالی گه یاردم بیریش نی ایسته‌یدی. «مکتب و بیلیم یورت گه باریب درس اوقه آلگنیم صورت‌ده، کیله‌جک‌ده شفاکار بولیب و اهالی گه خذمت قیلیش نی ایسته‌‌یمن.»
بهار نی قولیدن توتدیم و او مینی آته‌سی نینگ یانیگه آلیب باردی. بهار نینگ آته‌سی، اقتصادی قیین‌چیلیکلر حیاتی نی قیین‌لشتیرگنی بیرحالده، بیراق ینه هم بهار نینگ مکتبی یکونلنگنی‌دن کیین تیل اورگه‌نیش مرکزلر گه شامل قیلیش توغریسیده سوز بیرگن.
بهار نینگ آته‌سی گه کوره، بهار قیزی کون اوتیشی بیلن ضعیف‌لنماقده. «بهار گه جدی آیی‌دن کیین تیل و کمپیوتر صنفلرینی آلیشی اوچون سوز بیردیم؛ بیراق حاضر سعی‌وحرکت قیلماقده‌من، قیغو بیلن هیچ کیم حتا قرض بیریش گه سوز بیرمه‌گن. قیزیم گه سوز بیرگنیم اوچون مجبورمین که هر قندهی بولسه هم اونینگ کورسلری پولینی تاپسم. قیزیم نینگ آتینی بهار قویگنیم بیرحالده، کون اوتیشی بیلن ضعیف‌لنماقده و قورقه‌من که قیزیم افسرده بولمه‌سین.»
سرپرست حکومت آرقه‌لی آلتینچی صنف‌دن یوقاری قیزلر یوزیگه مکتبلر ایشیگی نینگ یاپیق قالگنی بیرحالده عیال حقوقی فعاللری گه کوره، افغانستان ده قیزلر یوزیگه مکتبلر و بیلیم یورتلر ایشیگی یاپیق قالگنی دوامی، جبران بولمه‌گن عاقبتلر گه همراه بوله‌دی.
عیال حقوقی فعالی حسنا رئوفی نینگ ایتیشیچه: «تعلیم و تحصیل‌دن عیاللر نینگ محروم قالگنی، نه فقط اولر نینگ روحی گه سلبی تاثیر قویه‌دی، بلکیم جبری توی قیلیشلر نینگ کوپه‌یشی و شونینگدیک عایله‌لر اقتصادی، جمعیت اقتصادی، افغانستان اقتصادی گه هم کیله‌جک‌ده سلبی تاثیر قویشی و مملکت نینگ رواجلنمسلیگی‌گه سبب بولیشی ممکن.»
بیزلرنینگ «ایکس» ترماغی ده هم تعقیب قیلینگ!
شونینگدیک اجتماعی مسئله‌لر بیلرمانی و بیلیم یورت اوقیتووچیسی احمدراشد صدیقی نینگ ایتیشیچه، قیزلر یوزیگه مکتبلر ایشیگی نینگ یاپیق قالیشی دوامی، جمعیت‌ده سلبی اثرلر گه سبب بولیشی ممکن.
اونینگ کوپه‌یتیریشیچه: «قیزلر یوزیگه مکتبلر و بیلیم یورتلر ایشیگی یاپیق قالگنی صورت‌ده، جمعیت‌ده هر تاماندن زیان کوره‌میز. عایله‌وی تربیه‌لنیشلر و سیاسی، اجتماعی و اقتصادی موضوع‌‌لرگه قیین‌چیلیک یره‌ته‌دی. انه شوو سبب، بیر مملکت نینگ ترقیاتی گه بیر انسان و بیر یشاوچی صفتیده حصه قوشیشلری اوچون قیزلر گه تعلیم و تحصیل خصوصیده رخصت بریلسین.»
بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، اوز اکس صحیفه‌سیده یازیشیچه، افغانستان ده اوتگن اوچ ییل‌ده اوچ میلیارد تعلیمی ساعت ضایع بولیب و حاضر ۱.۴ میلیون افغانستان‌لیک قیز تعلیم آلیشدن محروم قالگن.
اسلام امیرلیگی سرپرست حکومتی قدرت گه ایریشگنی‌دن کیین، ۱۴۰۰-ییل سنبله آیی‌ده بیر مکتوب یوللش بیلن آلتینچی صنف‌دن یوقاری قیز اوقووچیلر یوزیگه مکتبلر ایشیگی یاپیق قالیشینی بویروغ بیرگن ایدی که، حاضرگچه اوچ ییل اوتگنی بیلن آلتینچی صنف‌دن یوقاری قیزلر یوزیگه مکتبلر ایشیگی آچیلیشی بیللی ایمس.
