اسلام امیرلیگی ساغلیقنی سقلش وزیرلیگینینگ ساغلیق خذمتلری بوییچه معینی عبدالولی حقانی، قطر گه قیلگن رسمی سفری جریانیده فرانسه ایلچیخانهسی شارژدافیری بیلن اوچرهشیب و افغانستان ساغلیقنی سقلش بولیمیده همکارلیکلر کوچهیشی توغریسیده صحبت قیلگن.
ساغلیقنی سقلش وزیرلیگینینگ بوگون (۲۷-جدی، شنبه)، بیر بیانیه آرقهلی یازیشیچه، مذکور ییغینده افغانستان ساغلیقنی سقلش بولیمی نیازلری، یوتوقلر و ایکی تامانلمه همکارلیکلر کوچهیشی توغریسیده بحث بولگن.
حقانی، افغانستان ساغلیقنی سقلش توزومیدن فرانسهنینگ قوللب-قوتلشلریدن قدردانلیک قیلیب، اوزاق مدتلی حمایتلر دوامی و فنی همکارلیکلر کوچهیشینی سورهگن.
شونینگدیک بو ییغینده، افغانستانلیک شفاکارلر ظرفیتی آشیریلیشی اوچون تعلیمی برنامهلر، کسبی رواجلنیشلری و افغانستان گه فرانسهدن شفاکار یوباریلیشی توغریسیده صحبت قیلینگن.
فرانسه ایلچیخانهسی شارژدافیریگه کوره، مملکتی افغانستان ساغلیقنی سقلش توزومیدن حمایت قیلیشگه متعهد دیر.
افغانستان ساغلیقنی سقلش توزومی، سونگی دههلرده تشقی یاردملرگه تیگیشلی بولیب، خلقارا تشکیلاتلر و بیر قطار مملکتلر طبی خادملری تعلیمی و جهازلنیشیده یاردم بیرگنلر.
