بیرلشگن ملت‌لر تشکیلاتی نینگ باش کاتبی آنتونیو گوترش نینگ ایتیشیچه، افغانستان اقتصادی تیزیمی نینگ نقد پولگه احتیاجی بار. اونینگ کوپه‌یتیریشیچه، مملکت‌ده نقد پول آزلیگی افغانستان اقتصادی تیزیمی نینگ قوللشی‌گه سبب بولیشی ممکن.
گوترش دنیا جماعه‌سیدن، افغانستان اقتصادی تیزیمیده نقد پول کوپه‌یتیریلیشی اوچون زمینه یره‌تیشلرینی سوره‌گن. عین‌حالده، او نینگ کوپه‌یتیریشیچه، اوشبو تشکیلات حاضرگه قدر ۵۰۰ میلیون دالردن آرتیق نقد پولنی افغانستان‌گه انتقال بیرگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اقتصادی ایش بیلرمانلر، بیرلشگن ملت‌لر تشکیلاتی نینگ افغانستان افتصادی وضعیتی خصوصیده بیلدیرگن خواطرینی تصدیقله‌گنلر.
اقتصادی ایش بیلرمان عبدالنصیر رشتیا نینگ سلام‌وطندار گه ایتیشیچه، انسان سیورلیک یاردملر افغانستانده نقدی روشده ییتکیزیلگن صورتده، افغانستان یشاوچیلری گه ایش زمینه‌سی یره‌تیلیب و شونینگدیک اوشبو مملکت پولی نینگ ارزشی سقله‌نیشی ممکن.
شونده‌ی بیر حالده، اقتصادی ایش بیلرمانلردن بیری تاج محمد تلاش نینگ ایتیشیچه، افغانستانده اقتصادی قیینچیلیگی دوام ایتگن صورتده، مملکت اوزاق مدتلی خطر بیلن روپه‌ره بولیشی ممکن.
اونگه کوره، اوزاق مدتلی برنامه‌لر یولگه قوییلیب درآمد مبنع‌لری یخشی شکلده باشقریلیب و شونیگدیک کتته کیچیک پروژه‌لر عملی ایتیلگن تقدیرده، افغانستان نینگ اقتصادی قیینچیلیگی حل ایتیلیشی ممکن.
بیزلرنینگ توییترده هم تعقیب قیلینگ!
عین‌حالده، اقتصاد وزیرلیگی نینگ سوزلاوچیسی عبدالرحمن حبیب، سلام وطندار بیلن اوتکزگن صحبتی‌ده، بیرلشگن ملت‌لر تشکیلاتی نینگ خواطرینی ناتوغری عنوان قیلیب ایتیشیچه، حاضر افغانستانده ییترلی درجه‌ده نقد پول موجود و پوللر نینگ نرخی‌دن نظارت قیلیش پروسه یخشی شکلده دوام ایتماقده.
ایتیش کیره‌ک که، مملکت‌ده یوز بیرگن سونگی اوزگریشلردن کیین افغانستان اقتصادی وضعیتی یامانلشدی و شونینگدیک آمریکا جمهور رئیسی جوبایدن تامانیدن افغانستان سرمایه‌لریدن بیر قمسی ۱۱ سپتمبر قربانلریگه تاوان اوله‌راق توللنیشی اوچون اجره‌تیلیشی، اوشبو مملکت اقتصادی قیینچیلیگینی کوچه‌یتیرگن.
