بیرلشگن ملتلر تشکیلاتی باش کاتبی آنتونیو گوترش، بیر بیانیه آرقهلی اعلام قیلیشیچه، اعتراضچیلرگه قرشی ایران رسمیلری آرقهلی حددن تشقری کوچدن فایدهلنیش و زورهوانلیککه تیگیشلی گزارشلردن «حیرتگه» توشگن.
گوترش، بوگون ایرتهلب (۲۲-جدی/ ۱۲-جنوری، دوشنبه)، اکس صحیفهسیده یازیشیچه، ایران ده زورهوانلیکلر طفیلی بیر قطار کیشی اولیب و یرهلنگن.
بیرلشگن ملتلر تشکیلاتی باش کاتبینینگ اورغولشیچه، سوز ایرکینلیگی و تینچ یول بیلن ییغیلیش حقوقی، بوتونلی شکلده حرمت قیلینیب و اوندن حمایت بولینیشی کیرهک.
شونینگدیک او، ایران رسمیلریدن اینگ یوقاری درجهده صبر-طاقت کورسهتیشلری همده اعتراضچیلر برابریده کیرهکسیز یا-ده نامنتاسب کوچ ایشلهتیشدن واز کیچیشلرینی سورهدی.
گوترش، ایران یشاوچیلرینینگ معلوماتدن فایدهلنیشی ضرورلیگیگه تاکیدلب، بو مملکتده علاقه و معلومات ییتکزیلیش خذمتلری قیتهریلیشی شامل بو توغریده آسایشتهلیک یرهتیلیشی اوچون چاره-تدبیرلر کوریلیشینی ایستهگن.
ایران ده ناراضلیک نمایشلر، ارز قیمتینینگ جدی شکلده آشیشی و حیات خرهجتلریگه اونینگ توغری عاقبتلریگه عکسالعمل اولهراق باشلنگن.
ایران دهگی ناراضلیک نمایشلردن ۱۶ کون بولیب، حربی کوچلر و اعتراضچیلردن قطاری مذکور ناراضلیک نمایشلر جریانیده اولیب و یرهلنگن.
