بیرلشگن ملتلر تشکیلاتی باش کاتبی آنتونیو گوترش، یمن حوثیلری آرقهلی بو تشکیلاتنینگ ۱۰ ته ایشلاوچیسی قولگه آلینگنینی قارهلهگن.
گوترش، بوگون ایرتهلب (۲۹-قوس/ ۲۰-دسمبر، شنبه)، اکس صحیفهسیده یازیشیچه، یمن ده بیرلشگن ملتلر تشکیلاتینینگ قولگه آلینگن برچه ایشلاوچیلری، شرطسیز شکلده آزاد بولیشی کیرهک.
خلقارا ییتکرمهلرنینگ گزارشی اساسیده، یمن حوثیلری اوتگن هفته پنجشنبه کونی بیرلشگن ملتلر تشکیلاتینینگ ۱۰ته ایشلاوچیسینی قولگه آلگن. بو اقدام بیلن بیرگه، یمن حوثیلری تامانیدن حبسگه آلینگن بیرلشگن ملتلر تشکیلاتی ایشلاوچیلرینینگ توپلم سانی ۶۹ کیشیگه ییتیشگن.
اوشبو قولگه آلینیشلر، یمن ده خلقارا نهادلر و حوثیلر آرهسیدهگی کینگ کولملی کیسکینلیکلر دایرهسیده یوز بیریب و بیرلشگن ملتلر تشکیلاتی نیچه مرته، قولگه آلینگن ایشلاوچیلردن برچهسینینگ عاجل و قیدسیز شکلده آزاد بولینیشینی سورهگن.
