افغانستان ده یاشلرنینگ الکترونیکی قیینچیلیکلر و چیکلاولر بیلن روپهره بولگنلری بیرحالده، یاشلردن قطاری بویوک هدفلر بیلن عقللی رباتلرنی ایشلب چیقرگنلر.
بو گزارشده رباتیک ساحهسیده اوزلریدن خلاقیت کورسهتیب کمیده ایکی ریجه تیارلهگن یاش-ییگیت بیلن صحبت بولینگن. اوشبو ییگیتلر قیینچیلیکلر و توسیقلیکلر بیلن روپهره بولگنلری بیلن، ینه هم بو رباتلرنینگ دستلبکی ایشلرینی یکونلنتیریب و قیینچیلیکلر ایچیده، کیلهجکلری اوچون بیر امید یرهتگنلر.
بیزلرنینگ «ایکس» ترماغی ده هم تعقیب قیلینگ!
کابل دهگی خصوصی بیلیم یورتلردن بیریده کمپیوتر ساینس بولیمی طلبهسی بولمیش کابل یشاوچیسی سیدمجتبا احمد، ناگران کیشیلرنینگ کوندهلیک قیینچیلیکلرینی کورگنیدن کیین، تغییر کیلتیریش اوچون بیر آدیم آلیش گه قرار آلگن؛ او کوچلی اراده بیلن، ناگران کیشیلر حیاتیدهگی قیینچیلیکلرنی کمهیتیریشگه یاردم بیرهدیگن رباتنینگ ایشلب چیقریش لایحهسینی باشلهگن. اوشبو ۲۲ یاشر ییگیتنینگ ایتیشیچه: «بو رباتنینگ قولده و اوتومات شکلده ایشلشی ممکن؛ سیس بیلن کنترول بولهدی. قول یا-ده ایاقلریدن قوللنه آلمهگن ناگران کیشیلر، اوز تیللری آرقهلی کنترول قیله آلهدیلر.»
اوشبو ییگیت، برچه اقتصادی قیینچیلیکلر و امکانیت یوقلیگی بیلن، ناگران کیشیلر قیینچیلیکلرینی حل قیلیش مقصد، رباتینینگ دستلبکی نسخهسینی نمایش گه قویگن. اونینگ بو ایشدن مقصد، ناگران کیشیلر حیاتیگه تغییر کیلتیریش و اولرنینگ حیاتیگه آسایشتهلیک اوچون بیر یول یرهتیش دیر. «بو لایحهنینگ یولگه قوییش و کیرهک بولگن نرسهلرنی ساتیب آلیش اوچون ۱۵ مینگ افغانی مصرف قیلدیم؛ یشاوچیلر بونی آلماقچین بولگنلری صورتده، ۸-۱۰ مینگ افغانیگه ساتیب آلالهدیلر.»
شونینگدیک میدانوردک یشاوچیسی و کمپیوترساینس بولیمینی بیتیرگن ۲۲ یاشر احمدیمانینگ ایتیشیچه، دهقانلر قیینچیلیگی و اولرنینگ ایکیش توغریسیدهگی قیینچیلیکلرینی کوریب، ینگی فکر بیلن کوچیگه اینانیب اوروغلرنینگ ایکیلیشینی آسان و تیزراق قیله آلهدیگن بیر رباتنی ایشلب چیقرگن. اونینگ کوپهیتیریشیچه: «بو رباتده بیر تانکی بار که اونگه اوروغ تشلنهدی و اوروغ مقدارینی کورستهدی که قنچه اوروغ قیسی ساحهگه تشلنسه؛ شونینگدیک گارسون رباتیمیز بار که، ساحه اوزاق بولگنی یا-ده چارج خلاص بولگنیده ربات بیلن یوبارهمیز و مادهلر خلاص یولگنیده گارسون رباتدن فایدهلنهمیز.»
بو ییگیتنینگ ایتیشیچه، کیلهجکده دهقانلرنینگ قولی بیر شکلده ییرلرینی سووغارهدیگن بیر ربات ایشلب چیقریشگه قرار آلگن. «سووغاریش اوچون بیر ربات ایشلب چیقرماقچینمین که بیر هفته اوچ مرته ییرلرنی سووغاره آلسه؛ سوو ذخیره قیلهدیگن امکانیتی بولسه و قطرهیی شکلده سوو سیپسه.»
باشقه بیر تاماندن، کابلنینگ پولیتخنیک بیلیم یورتی کمپیوتر ساینس بولیمی اوقیتووچیسی محمدقسیم قیام، بیلیم یورتلردهگی موجود قیینچیلیکلر گه اشاره قیلیب و ایتیشیچه، امکانیتلر کملیگی بیلن ییگیتلر خلقارا برنامهلرده یخشی یوتوقلر گه ایگه بولگنلر. اونینگ کوپهیتیریشیچه: «خلقار رقابتلریمیز بار؛ برنامه یازیش اوچون طلبهلریمیز بار. طلبهلر بو ییل بیرینچی و ایکینچی اورینلرده ایدیلر. اوتگن ایکی ییلده طلبهلر ICPC اسمی آستیده بولگن خلقارا برنامه یازیشده بیرینچی اوریننی ایگهلگنلر.»
بیزلرنینگ فیسبوک صحیفهمیزگه باش اورینگ!
شوندهی بیرحالده، تخنیکی و مسلکی تعلیملر ادارهسینینگ تحقیق و خلاقیت باشلیغی سیدمحسن ساداتنینگ ایتیشیچه، جاری ییلده لایحهلرنی عملگه آشیریلیشی، آنلاین تعلیملر و یاشلر ظرفیتینی آشیریش اوچون بیرقطار برنامهلرنی قولگه آلگنلر. «بو ییل ایکی برنامهنینگ اوتکزیلیشی ممکن؛ بیرتهسی مرکز بویلب و باشقه بیرتهسی ایسه مملکت بویلب بولیب و یاشلر ظرفیتی آشیریلیشی اوچون تعلیم، آنلاین شکلده بولیشی ممکن. بو برنامه نه فقط ربات بولیمیده؛ بلکیم باشقه بولیملرده هم خلاقیت کورستهدیگن یاشلر گه دیر.»
اوتگن آی کابل ده افغانستان خلاقیت ملی کورگزمهسی اوتکزیلیب و اوشبو کورگزمه، تخنیکی، رباتیک و ایکینچیلیک بولیملریده ۲۱ ولایتدن ۳۱۸ لایحه، نمایش گه قوییلگن.
