بوگون “دوشنبه” شهید بولگن حربی و تینچ اهالی اقارب‌لریدن بیرقطاری بغلان ولایت مقامی برابریده ناراضلیک بیلدیریب حقوق‌لرینی دولت تامانیدن توللنیشی‌نی سوره‌گنلر. اعتراضچی‌لرنینگ ایتیش‌لریچه، برقی کیملیکلری بولمه‌گن صورتده، حقوق‌لری دولت تامانیدن توللنمه‌یدی. اولرنینگ آگاه‌لنتیریش‌لریچه، حقوق‌لری توللنمه‌گن صورتده، کینگ شکلده ناراضلیک بیلدیره‌دیلر.
اعتراضچی‌لردن بیری جان‌محمد نینگ سلام‌وطندارگه ایتیشیچه، حقوق‌لرینی قولگه کیلتیریش اوچون دولت گه مراجعت قیلگنلر، لیکن برقی کیملیکلری بولمه‌گنی سبب، حقوق‌لری توللنمه‌یدی.
اعتراضچی‌لردن باشقه بیری عین‌الدین دیر. اونینگ عایله‌سینی بیر عضوی امنیتی کوچلر قطاریگه جانی‌نی قولدن بیرگن. اونینگ ایتیشیچه، اقتصادی وضعیتی یمان دیر، لیکن دولت حقوق‌ینی توللمه‌یدی.
شونینگدیک، بغلان ولایتی کینگش اعضالریدن بیرقطاری نینگ ایتیش‌لریچه، دولت بو ایش آرقه‌لی، برقی کیم‌لیک قولگه کیلتیریش اوچون اهالی اوستیگه فشار کیلتیره‌دی.
عین‌حالده، بغلان ولایتی بوییچه شهیدلر و ناگرانلر اداره‌سی آمری محمدصبور صابریار نینگ ایتیشیچه، شهیدلر و ناگرانلر وزیرلیگی نینگ فرمانی‌گه کوره، شهیدلر وارث‌لری برقی کیم‌لیک آلمه‌گن صورتده، حقوق‌لری اوشبو وزارت تامانیدن توللنمه‌یدی.
جناب صابریار گه کوره، بغلانده ۱۲ مینگ دن آرتیق شهیدلر وارث‌لری بار و حقوق‌لرینی قولگه کیلتیریش اوچون بیرینچیدن برقی کیم‌لیک آلیش‌لری کیره‌ک.