غور مرکزی فیروز‌کوه شهری‌ده ۲۴ یاشر غلام‌سخی سخاوت‌مند اسملی ییگیت، اوشبو ولایت‌ده «شیرینی سرای قصر شیرین هریرود» اسمی آستیده، شیرین‌لیک و کلچه پیشیریش ایش‌خانه‌سی نی ایجاد قیلیش بیلن ۲۵ ییگیت گه ایش زمینه‌سی نی یره‌تگن.
سخاوت‌مند اوشبو ایش‌خانه نینگ ایجاد قیلیش‌دن مقصد، ییگیت‌لر گه ایش زمینه‌سی یره‌تیلیشی عنوان قیلیب ایتیشیچه: «غور ولایتی‌ده اوشبو شیرین‌لیک و کلچه پیشیریش ایش‌خانه‌سی نینگ یره‌تیشدن مقصد، مملکت‌ده‌گی ایش‌سیز و باشقه مملکت‌لر ایش تاپیش اوچون مهاجرت قیلیش ایسته‌گن ییگیت‌لر گه ایش زمینه‌سی یره‌تیلیشی و اوز اولکه‌م گه خذمت قیلیش دیر.»
بیزلرنینگ فیسبوک صحیفه‌میزگه باش اورینگ!
مذکور شیرین‌لیک و کلچه پیشیریش ایش‌خانه‌سیده ایش بیلن شغللنگن ییگیت‌لردن قطاری نینگ ایتیشلریچه، قشاق‌لیک و ایش‌سیزلیک طفیلی، ایران گه قاچاقی شکلده مهاجرت قیلیش گه قرار آلگن ایکنلر، بیراق مذکور ایش‌خانه‌ده اولر گه ایش زمینه‌سی یره‌تیلگنی سبب، عایله‌‌لری نینگ خره‌جتی نی تأمین‌لب و کیله‌جکلری خصوصیده امید‌وارلر.
مذکور ییگیت‌لر سرپرست حکومت و سوداگرلردن قانونی‌سیز مهاجرت‌لر آلدی آلینیشی اوچون، اوشبو ولایت ییگیت‌لری گه ایش زمینه‌لری یره‌تیلیشی نی ایسته‌گنلر.
غور ولایتی‌ده‌گی ییگیت‌لردن ۱۴ یاشر لطیف نینگ ایتیشیچه: «ایران گه مهاجرت قیلیش ایسته‌ر ایدیم، شکر که بو شیرین‌لیک و کلچه پیشیریش ایش‌خانه‌سی یره‌تیلدی و مین بو ییرگه ایشلب، عایله‌م نینگ خره‌جتی نی تأمین قیله‌من.»
شونینگدیک اوشبو ولایت‌ده‌گی ییگیت‌لردن باشقه بیری ۲۶ یاشر محمد‌نور نینگ ایتیشیچه: «بو ایش بولمه‌گنی پیتده، ایران کیتیش گه مجبور ایدیم، بیله‌سیزلر گه سونگی کون‌لر قاچقین‌لر قنچه قیین‌چیلیک بیلن روپه‌ره دیر. کیله‌جک‌ده اهالی‌میز ولایت‌لرده تورلی‌خیل ایش زمینه‌لری نی یره‌تیش بیلن ییگیت‌لردن قطاری نینگ ایش گه آلیشلری خصوصیده امید‌وارمیز.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، غور محلی مسئوللری نینگ ایتیشلریچه، اولر ایش زمینه‌سی نی یره‌تیش اوچون سرمایه یاتقیزگن ییگیت‌لردن قوللب-قوتلب و اوشبو ولایت ییگیت‌لری گه کوپراق ایش فرصت‌لری یره‌تیلیشی اوچون سعی و حرکت قیلماقده‌لر.
غور معلومات و مدنیت باشلیغی عبدالحی زعیم نینگ ایتیشیچه: «اسلام امیرلیگی حمایت قیله‌دی، مجاهدلر حمایت قیله‌دی. هر ییرده قیین‌چیلیک بولسه حل بوله‌دی. ییگیت‌لر اوز مملکت‌لریده ایشله‌شلری کیره‌ک، چونکه مملکت تعلیم کورگن ییگیت‌لر گه احتیاجی بار. بو ییرده ایشله‌سینلر. اقتصادی قیین‌چیلیک یالغیز غور ده ایمس، بلکیم بوتون افغانستان ده بار و بو قیین‌چیلیک حلی اوچون سعی و حرکت قیله‌میز.»
ایتیش کیره‌ک که، قشاق‌لیک، قوروق‌چیلیک و ایش فرصت‌لری یوقلیگی، ییگیت‌لردن کوپ قطاری نینگ قانوی‌سیز شکلده مهاجرت قیلیش گه یوز کیلتیریشلری و قوشنی مملکت‌لر اینیقسه ایران گه مهاجرت قیلیشلری گه سبب بولگن.